完整藏文原文 · 德格版页 当前仅加载第 11 函德格 67b 版页；藏文 NFD、目录标记与异常页序保留在来源切片中，重复版页行以稳定序号区分。
བཏང་ངོ་། །དེ་འོངས་ནས་སྨན་ཆེན་པོས་དེ་ལ་གཞན་གྱི་ནོར་དབྲོག་པར་བྱ་བ་དེ་ལྟ་བུ་ཅི་བྲམ་ཟེའི་ཆོས་ཡིན་ནམ། ཁྱོད་ཀྱིས་ཁྱེར་བ་དེ་སླར་བྱིན་ཅིག་ཅེས་བསྒོ་ན། དེས་སྡིག་པ་ཞི་བར་གྱུར་ཅིག་བདག་གིས་ཡོང་མ་འཚལ་ཏོ་ཞེས་སྨྲས་པ་དང་། དེ་ནས་སྨན་ཆེན་པོས་མི་རྣམས་
D6.011.0067b01.01ལ་ངན་པ་ཅན་འདི་བཙོན་རར་ཆུག་ལ་ཇི་ནས་རུས་པ་བྱུང་བ་དེ་ལྟ་བུར་ནན་ལ་འོར་ཅིག་ཅེས་བསྒོ་བ་དང་། དེ་དེ་ལྟ་བུས་བསྡིགས་པས་འཇིགས་སྐྲག་ཤིན་ཏུ་གདུངས་པས་ན་ལྷས་སྐྱོབས་ཤིག །བདག་གིས་དེ་སླར་འབུལ་ལོ་ཞེས་སྨྲས་སོ། །དེ་ནས་རྣ་བོ་ཆེ་དེ་བདག་གི་ཁྱིམ་
D6.011.0067b02.01ནས་གསེར་གྱི་དོང་ཙེ་གནའ་མ་ལྔ་བརྒྱ་ཇི་ལྟར་བཅིངས་པ་བཞིན་དུ་ཁྱེར་ཏེ་འོངས་ནས་སྨན་ཆེན་པོ་ལ་ཕུལ་ལོ། །དེ་ནས་སྨན་ཆེན་པོས་ཀྱང་བྲམ་ཟེ་དེ་ལ་བྱིན་ནོ། །དེ་ནས་བྲམ་ཟེ་དེ་དགའ་མགུ་ནས། ཡིད་རབ་ཏུ་དགའ་བར་གྱུར་ཏེ། དེ་ནས་བྲམ་ཟེ་དེ་འདི་སྙམ་དུ་སེམས་པར་གྱུར་ཏོ། །
D6.011.0067b03.01བདག་གི་གསེར་གྱི་དོང་ཙེ་གནའ་མ་ལྔ་བརྒྱ་མེད་པ་ལས་སླར་རྙེད་པ་ནི་ཐམས་ཅད་ཀྱང་སྨན་ཆེན་པོའི་མཐུ་ཡིན་ཏེ། ཇི་ནས་བདག་གིས་དེ་ལ་བཀུར་སྟི་བྱ་ཞིང་ལན་གླན་ནོ། །སྨན་ཆེན་པོ་བདག་ལ་བྱམས་པ་དང་། བདག་གིས་ཀྱང་ལན་གློན་པར་འགྱུར་རོ། །སྙམ་དུ་བསམས་
D6.011.0067b04.01ནས། དེས་གསེར་གྱི་དོང་ཙེ་གནའ་མ་དེ་དག་ལས་ཕྱེད་ཁྱེར་ཏེ་སྨན་ཆེན་པོའི་དྲུང་དུ་སོང་ནས་སྐྱེས་འདི་བཞེས་ཤིག་ཅེས་ཕུལ་ལོ། །སྨན་ཆེན་པོས་ཀྱང་བླངས་ནས་དེ་ཉིད་ལ་སླར་བྱིན་ནོ། །དེའི་སྙན་པས་ཀྱང་གྲོང་ཁྱེར་དེར་ཁྱབ་པར་གྱུར། རྒྱལ་པོ་དང་། བློན་པོ་དང་། གྲོང་ཁྱེར་
D6.011.0067b05.01པ་རྣམས་ཀྱིས་ཀྱང་དེ་མཁས་པ་དང་ལྡན་ནོ། །ཞེས་བྱ་བའི་སྒྲ་ཀུན་དུ་བསྒྲགས། བདག་ཅག་བསོད་ནམས་དང་ལྡན་པས་ན་འདི་འདྲ་བའི་བློན་པོ་བདོག་གོ་སྙམ་དུ་སེམས་སོ། །དེ་ནས་མི་གཞན་ཞིག་རང་གི་དོན་ཅིག་གི་ཕྱིར་ཡུལ་གཞན་དུ་སོང་སོང་བ་ལས་སླར་ལོག་སྟེ། རྫིང་
D6.011.0067b06.01འགྲམ་ཞིག་ཏུ་འོངས་ནས་ཕྱེའི་རྐྱལ་པ་ཁ་ཕྱེ་སྟེ་ཕྱུང་ནས་ཟན་ཟོས་སོ། །ཟན་ཟོས་ནས་རྐྱལ་པ་ཁ་མ་བཅིངས་བཞིན་དུ་ཕྱི་རོལ་གྱི་སར་སོང་ངོ་། །དེ་དེར་འདུག་པ་དང་སྦྲུལ་རེག་ན་གདུག་པའི་དུག་ཅན་དེའི་རྐྱལ་པའི་ནང་དུ་ཞུགས་སོ། །མི་དེ་སླར་འོངས་ཏེ་དེས་མ་བརྟགས་པར་རྐྱལ་
D6.011.0067b07.01