完整藏文原文 · 德格版页 当前仅加载第 11 函德格 322b 版页；藏文 NFD、目录标记与异常页序保留在来源切片中，重复版页行以稳定序号区分。
གནས་བརྟན་གྱིས་བྱམས་པའི་ཏིང་ངེ་འཛིན་ལ་སྙོམས་པར་ཞུགས་པས་ཀླུ་དེ་དག་གིས་གནས་བརྟན་གྱི་ཆོས་གོས་ཀྱི་མཐའ་མ་ཡང་གཡོ་བར་མ་ནུས་སོ། །དེ་ནས་ཀླུ་དག་གིས་མདའི་ཆར་ཕབ་པ་དང་། གནས་བརྟན་གྱིས་ཀུན་ཏུ་གསལ་བའི་མེ་ཏོག་ཨུཏྤ་ལ་དང་། པད་མ་དང་། ཀུ་མུ་
D6.011.0322b01.01ད་དང་། པད་མ་དཀར་པོར་ཕབ་བོ། །ཀླུ་དག་གིས་རྡོ་རྗེ་རྩེ་གཅིག་དང་། མདའ་བོ་ཆེ་དང་། མཚོན་རྩེ་གཅིག་པ་དང་། དགྲ་སྟ་དག་འཕང་བར་བརྩམས་པ་དང་། གནས་བརྟན་གྱི་སྟེང་དུ་མེ་ཏོག་ཀུ་སུ་མའི་ཆར་བབ་ནས་སྨྲས་པ། གངས་རི་རྩེ་མོ་དེ་ནི་ཉི་མའི་འོད་ཀྱིས་རབ་ཏུ་བཞུ་བ་
D6.011.0322b02.01ན། །རི་བོའི་རྩེ་མོ་དེ་དག་ཀུན་ནི་མེད་པར་སོང་གྱུར་མཐོང་བ་ལྟར། །ཕྱག་དར་ཆར་ཕབ་ཀུ་སུ་མ་ཡི་ཆར་པ་སྣ་ཚོགས་བབ་པར་བྱས། །གནམ་ལས་མདའ་ཡི་ཆར་ཕབ་མེ་ཏོག་ཕྲེང་བར་ཀུན་ཏུ་གནས་པར་གྱུར། །དེ་ནས་བྱམས་པའི་ཏིང་ངེ་འཛིན་ལ་སྙོམས་པར་ཞུགས་པས་ལུས་ལ་
D6.011.0322b03.01མེས་མ་ཚིག །མཚོན་གྱིས་མ་ཚུགས། དུག་གིས་མ་ཚུགས་ཏེ། ཀླུ་རྣམས་ངོ་མཚར་སྐྱེས་སོ། །དེ་ནས་ཀླུ་དེ་དག་གནས་བརྟན་གྱི་དྲུང་དུ་སོང་སྟེ་འཕགས་པ་བཀའ་ཅི་སྩལ་ཅེས་སྨྲས་པ་དང་། གནས་བརྟན་གྱིས་སྨྲས་པ། གནས་འདི་ང་ལ་བྱིན་ཅིག །ཀླུ་དག་གིས་
D6.011.0322b04.01སྨྲས་པ། དབུལ་བར་རྔོ་མི་ཐོག་གོ། །གནས་བརྟན་གྱིས་གནས་འདི་ནི་བཅོམ་ལྡན་འདས་ཀྱིས་ངའི་གནས་སུ་ལུང་བསྟན་ཏེ། གང་ཁ་ཆེ་ཡུལ་འདི་བསམ་གཏན་དང་མཐུན་པའི་གནས་མལ་ཡིན་པས་དེང་ཕན་ཆད་ངའི་ཡིན་ནོ་ཞེས་སྨྲས་པ་དང་། ཀླུ་རྣམས་ཀྱིས་སྨྲས་པ། གནས་
D6.011.0322b05.01བརྟན་བཅོམ་ལྡན་འདས་ཀྱིས་བཀའ་སྩལ་ཏམ། གནས་བརྟན་གྱིས་སྨྲས་པ། བཅོམ་ལྡན་འདས་ཀྱིས་བཀའ་སྩལ་ཏོ། །ཀླུ་རྣམས་ཀྱིས་སྨྲས་པ། གནས་ཅི་ཙམ་ཞིག་དབུལ་བར་བགྱི། གནས་བརྟན་གྱིས་སྨྲས་པ། སྐྱིལ་མོ་ཀྲུང་བཅས་པ་ཙམ་མོ། །ཀླུ་རྣམས་ཀྱིས་བཙུན་པ་
D6.011.0322b06.01དབུལ་བར་བགྱིའོ་ཞེས་སྨྲས་པ་དང་། གནས་བརྟན་གྱིས་སྐྱིལ་མོ་ཀྲུང་བཅས་པས་ལུང་པ་དགུའི་མདོ་སྐྱིལ་མོ་ཀྲུང་གིས་ནོན་པ་དང་། ཀླུ་རྣམས་ཀྱིས་གནས་བརྟན་འཁོར་ཇི་སྙེད་ཅིག་མངའ་ཞེས་སྨྲས་པ་དང་། གནས་བརྟན་གྱིས་དགེ་སློང་ཇི་སྙེད་ཅིག་འདུ་བར་འགྱུར་སྙམ་བསམས་
D6.011.0322b07.01