完整藏文原文 · 德格版页 当前仅加载第 11 函德格 46b 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །ཀོ་ས་ལའི་རྒྱལ་པོ་གསལ་རྒྱལ་གྱིས་འབྱོར་པ་དེ་དག་མཐོང་ནས་ཡ་མཚན་གྱིས་ཡིད་དད་པར་གྱུར་ཏེ་མུ་སྟེགས་ཅན་རྣམས་ལ་འདི་སྐད་ཅེས་སྨྲས་སོ། །ཀྱེ་བཅོམ་ལྡན་འདས་ཀྱིས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་ཟིན་ཏེ། ད་ནི་ཁྱེད་ཀྱི་རེས་ལ་བབ་ཀྱིས་
D6.011.0046b01.01ཁྱེད་ཀྱིས་སྟོན་ཅིག །དེ་རྣམས་ཀྱིས་སྨྲས་པ། ལྷ་གཞེས་ཤིག་སྐྱེ་བོའི་ཚོགས་ཆེན་པོ་འདིར་འདུས་ལགས་ན་ཆོ་འཕྲུལ་ཆེན་པོ་འདི་ཅི་དགེ་སྦྱོང་གཽ་ཏ་མ་ལགས་སམ། འོན་ཏེ་བདག་ཅག་གི་ལགས་སམ་གང་གི་ལགས་སུས་འཚལ། དེ་ནས་དེའི་མོད་ལ་དུམ་བུའི་ཀུན་དགའ་
D6.011.0046b02.01ར་བ་པའི་རྫུ་འཕྲུལ་གྱིས་རི་སྤོས་ཀྱི་ངད་ལྡང་ལས་ཤིང་ཨ་མྲ་ཡལ་ག་དང་། ལོ་མ་དང་། འདབ་མ་དཀར་པོ་དུ་མས་བཀླུབས་པ། བྱའི་ཚོགས་དུ་མ་སྐད་འབྱིན་པ་བླངས་ནས་ཆོ་འཕྲུལ་ཆེན་པོའི་འདུན་ཁང་གི་བྱང་ཕྱོགས་སུ་བཞག་པ་དང་། དེ་ཡང་རྒྱལ་པོས་མཐོང་ནས་ཡིད་བདེ་
D6.011.0046b03.01བ་སྐྱེས་ཏེ་ལན་གཉིས་ཀྱི་བར་དུ་མུ་སྟེགས་ཅན་རྣམས་ལ་འདི་སྐད་ཅེས་སྨྲས་སོ། །བཅོམ་ལྡན་འདས་ཀྱིས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་ཟིན་ཏེ། ད་ནི་ཁྱེད་ཀྱི་རེས་ལ་བབ་ཀྱིས་ཁྱེད་ཀྱིས་སྟོན་ཅིག །དེ་དག་གིས་སྨྲས་པ། ལྷ་བདག་ཅག་གིས་ཁྱོད་ལ་
D6.011.0046b04.01སྔར་མ་གསོལ་ཏམ། ལྷ་སྐྱེ་བོའི་ཚོགས་ཆེན་པོ་འདིར་འདུས་ལགས་ན་ཆོ་འཕྲུལ་ཆེན་པོ་འདི་ཅི་དགེ་སྦྱོང་གཽ་ཏ་མའི་ལགས་སམ། འོན་ཏེ་བདག་ཅག་གི་ལགས་སམ། སུའི་ལགས་སུས་འཚལ། དེ་ནས་དེའི་མོད་ལ་ཁྱིམ་བདག་ངན་ལེགས་སྦྱིན་གྱིས་རྫུ་འཕྲུལ་གྱིས་སུམ་
D6.011.0046b05.01བཅུ་རྩ་གསུམ་གྱི་ལྷའི་དཔག་བསམ་གྱི་ཤིང་བླངས་ནས་ཆོ་འཕྲུལ་ཆེན་པོའི་འདུན་ཁང་གི་ལྷོ་ཕྱོགས་ཀྱི་ངོས་སུ་བཞག་པ་དང་། དེ་ཡང་ཀོ་ས་ལའི་རྒྱལ་པོ་གསལ་རྒྱལ་གྱིས་མཐོང་ནས་ཡང་ཤིན་ཏུ་དགའ་བ་དང་མགུ་བ་སྐྱེས་ནས་ལན་གསུམ་གྱི་བར་དུ་མུ་སྟེགས་ཅན་རྣམས་ལ་འདི་
D6.011.0046b06.01སྐད་ཅེས་སྨྲས་སོ། །ཀྱེ་བཅོམ་ལྡན་འདས་ཀྱིས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་ཟིན་ཏེ། ད་ནི་ཁྱེད་ཀྱི་རེས་ལ་བབ་ཀྱིས་ཁྱེད་ཀྱིས་སྟོན་ཅིག །དེ་དག་གིས་སྨྲས་པ། བདག་ཅག་གིས་གསོལ་ལགས་མོད་ཀྱི། འོན་ཀྱང་ལན་གསུམ་གྱི་བར་དུ་གསོལ་བ་
D6.011.0046b07.01