完整藏文原文 · 德格版页 当前仅加载第 11 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་གྲོང་ཉིད་དུ་འོངས་སོ། །དེ་ཕྱིས་ཡང་སེམས་ཅན་དང་ལྡན་པར་གྱུར་ནས་བུ་འབྱུང་བའི་དུས་སུ་བབ་པ་དང་། ཇོ་བོ་བུ་འབྱུང་བའི་དུས་ལ་བབ་ཀྱིས་གཉེན་གྱི་ཁྱིམ་དུ་མཆིའོ། །དེར་བདག་ལ་མ་བདག་གི་གཡོག་བགྱིད་དོ་ཞེས་སྨྲས་པ་དང་། དེས་ཀྱང་བཟང་མོ་ལེགས་
D6.011.0127a01.01ཀྱིས་འདོང་བར་བྱའོ་ཞེས་སྨྲས་པ་དང་། དེས་མ་དང་བུར་བཅས་ཏེ་ཤིང་རྟ་ལ་བསྐྱོན་ནས་དོང་བ་དང་། དེ་ལམ་གྱི་ཕྱེད་དུ་བུ་བཙས་པར་གྱུར་ཏོ། །དེས་བུ་བཙས་པར་མཐོང་ནས་ཤིང་རྟ་ལ་བབས་ཏེ་ཤིང་གཞན་ཞིག་གི་དྲུང་དུ་འདུག་པ་དང་དེ་ཉིད་དུ་གཉིད་ཀྱིས་ལོག་གོ། །དེ་གཉིད་ཀྱིས་ཆེར་
D6.011.0127a02.01ལོག་པ་དང་སྦྲུལ་གདུག་པས་ཟིན་ནས་དུས་ལས་འདས་སོ། །མོ་ཡང་ཤིང་རྟའི་སྟེང་ཉིད་དུ་བུ་ཁྱེའུ་ཞིག་བཙས་ཏེ་དེ་ཤིང་རྟ་ལས་བབས་ནས་ཤིང་དྲུང་དུ་སོང་སྟེ། ཇོ་བོ་ཁྱོད་ཀྱི་བུ་ཁྱེའུ་ཞིག་བཙས་ཀྱིས་དགྱེས་པ་སྐྱེད་ཅིག་ཅེས་སྨྲས་པ་དང་། དེ་སེམས་མེད་པས་ལན་མ་གླན་ནོ། །དེས་ལག་པས་
D6.011.0127a03.01བསྒུལ་ཏེ་བརྟགས་ན་དུས་ལས་འདས་པ་མཐོང་ངོ་། །མོ་དེ་ན་ངུ་བར་གྱུར་པ་དང་། བ་ལང་ཡང་མ་བྱིན་པར་ལེན་པས་ཕྲོགས་སོ། །དེ་ནས་དེ་རིང་ཞིག་ཏུ་ངུས་ནས་མི་དགའ་བ་སྐྱེས་ཏེ་ཕྱོགས་བཞིར་བལྟས་ཏེ་དེས་བུ་ད་གཟོད་བཙས་པ་ནི་པང་དུ་ཐོགས་སྔ་མ་ནི་ལག་པ་ནས་བཟུང་སྟེ་སོང་བ་
D6.011.0127a04.01དང་། །དེ་ན་དུས་མ་ཡིན་པའི་སྤྲིན་ཆེན་པོ་ལངས་ཏེ་དེས་མཚོ་དང་། ལྟེང་ཀ་དང་། ཁྲོན་པ་དག་ཆུས་གང་ནས་དེའི་ལམ་ཀ་ན་ཆུ་བོ་རྒལ་དགོས་པར་གྱུར་ནས། དེས་བསམས་པ་དེ་སྟེ་ཁྱེའུ་དང་ལྷན་དུ་རྒལ་ན་ནི་བདག་ཀྱང་མེད་ཁྱེའུ་ཡང་མེད་པར་འགྱུར་ན་རེ་ཞིག་ཁྱེའུ་ཇེ་བསྒྲལ་ལོ། །
D6.011.0127a05.01ཕུ་བོ་དེ་ཆུ་བོའི་འགྲམ་དུ་བཞག་སྟེ་ཆུང་ངུ་ཁྱེར་ཏེ་རྒལ་ཏོ། །དེ་ནས་དེ་ཡང་འགྲམ་དུ་བཞག་སྟེ་ཕུ་བོའི་ཕྱིར་ཡང་རྒལ་ཏེ་ཆུ་བོ་ཕྱེད་དུ་ཕྱིན་པ་དང་ཁྱེའུ་ཆུང་ངུ་དེ་ཝས་ཁྱེར་རོ། །དེ་ནས་མོས་ཆུ་བོའི་དབུས་སུ་འདུག་སྟེ་ལག་པ་གཡབས་ནས་ཀུ་ཀུ་ཞེས་བོས་པ་དང་། ཁྱེའུ་ཕུ་བོ་དེ་མ་
D6.011.0127a06.01བདག་ལ་བོད་དོ་སྙམ་བསམས་ནས་དེ་ཆུའི་ནང་དུ་མཆོངས་པ་དང་། ཆུ་འགྲམ་ཡང་གད་པ་ཆད་པ་ཞིག་སྟེ་ལྷུང་མ་ཐག་ཏུ་དུས་ལས་འདས་ནས་དེ་ནས་མོ་རིངས་ཤིང་མྱུར་བར་བྱུང་སྟེ། ཝ་དེའི་རྗེས་བཞིན་དུ་བསྙགས་པ་དང་དེས་དེ་བོར་ཏེ་སོང་ནས་དེ་ལ་བལྟས་ན་དུས་ལས་འདས་པར་མཐོང་
D6.011.0127a07.01