完整藏文原文 · 德格版页 当前仅加载第 11 函德格 97b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ནགས་སྟུག་པོར་ཚངས་བྱིན་བཙུན་མོས་བསྐོར་ཏེ་ཤོ་ཤུམ་པ་དང་ལྷན་ཅིག་ཏུ་སྐྱེད་མོས་ཚལ་དུ་དོང་བ་དང་། བྲམ་ཟེའི་བུ་མྱུར་འགྲོ་མེ་ཏོག་ཏི་མི་རའི་དྲི་མནམ་ནས་དེས་བསྣམས་ཏེ། དེ་འདྲ་བའི་གླུ་བླང་བར་བསམས་ནས། རླུང་གིས་སུ་ནི་བསྐྱོད་པ་དང་། ཏི་མི་ར་ཡི་དྲི་མནམ་མོ། །གང་ན་
D6.011.0097b01.01ཤོ་ཤུམ་པ་གནས་པ། ཀ་ཤེ་རུ་ཡི་གླིང་དག་གོ། །དེ་རྒྱལ་པོ་ཚངས་བྱིན་གྱིས་ཐོས་ནས་དེས་བཙུན་མོ་དག་ལ་ཀྱེ་འདི་ན་གླུ་ལེན་པ་སུ་ཡིན་ཚོལ་ཅིག་ཅེས་བསྒོ་བ་དང་། དེ་དག་གིས་ལྷ་མིག་དང་བྲལ་བའི་སྐྱེས་བུ་ཞིག་སྐྱེད་མོས་ཚལ་འདི་ན་གླུ་ལེན་ཅིང་མཆིས་སོ་ཞེས་སྨྲས་སོ། །དེ་རྒྱལ་
D6.011.0097b02.01པོས་བོས་ཏེ་ཀྱེ་སྐྱེས་བུ་ཁྱོད་ཀྱིས་གླུ་བླངས་སམ་ཞེས་སྨྲས་པ་དང་། ལྷ་བདག་གིས་གླུ་བླངས་སོ། །ཀྱེ་སྐྱེས་བུ་ཡང་ལོང་ཤིག་དང་ཡང་མཉན་ནོ། །དེས་བསམས་པ། གཞན་མ་ཡིན་གྱི་བདག་གིས་བླངས་པ་དེ་སྙན་པ་ལྟ་ཞིག་སྟེ། དེའི་ཕྱིར་རྒྱལ་པོ་ཉན་པར་འདོད་དེ། གལ་ཏེ་ཅུང་
D6.011.0097b03.01ཟད་ཐོབ་ཀྱང་སྲིད་སྙམ་ནས་དེས་གླུ་བླངས་པ། རླུང་གིས་སུ་ནི་བསྐྱོད་པ་དང་། །ཏི་མི་ར་ཡི་དྲི་མནམ་མོ། །གང་ན་ཤོ་ཤུམ་པ་གནས་པ། །ཀ་ཤེ་རུ་ཡི་གླིང་དག་གོ། །རྒྱལ་པོས་ཀྱེ་སྐྱེས་བུ་ཀ་ཤེ་རུའི་གླིང་འདི་ནས་ཇི་སྲིད་ཅེས་དྲིས་པ་དང་། དེ་ཚིགས་སུ་བཅད་དེ་སྨྲས་པ། འདི་ནས་དེའུ་
D6.011.0097b04.01དཔག་ཚད་བརྒྱའི། །རྒྱ་མཚོ་ཆེན་པོའི་ཆུ་རྣམས་ཏེ། །དེ་ན་གནས་པ་ཤོ་ཤུམ་པ། །ཀ་ཤེ་རུ་ཡི་གླིང་དག་ནའོ། །དེ་ལ་རྒྱལ་པོ་ཚངས་སྦྱིན་གྱིས་དེའི་ལན་ཚིགས་སུ་བཅད་དེ་སྨྲས་པ། །དེ་སྟེ་བདག་གི་ཡིད་འོང་བ། །ཤོ་ཤུམ་པ་ཞེས་བྱ་བ་དེ། །ཁྱོད་ཀྱིས་ཉེས་པར་མཐོང་ཐོས་ན། །ལུས་ལ་
D6.011.0097b05.01མཚན་ཡོད་པ་ཡང་སྨྲོས། །དེས་ཀྱང་སླར་ཚིགས་སུ་བཅད་དེ་སྨྲས་པ། སྭ་སྟི་ཀ་ནི་བརླ་ལ་ཡོད། །དེ་ཡི་ནུ་ཀ་འཁྱིལ་པ་སྟེ། །ཏི་མི་ར་ཡི་མེ་ཏོག་རྣམས། །རྒྱུད་པ་ཁྱོད་ཀྱི་ཕྱི་རུའོ། །རྒྱལ་པོས་འདི་ཡང་འདི་ལྟར་ངན་པ་སྤྱོད་པ་གྱུར་པ་ལྟ་སྟེ། འདི་མི་དགོས་ཀྱིས་ལོང་བ་འདི་ལ་སྦྱིན་ནོ་སྙམ་
D6.011.0097b06.01བསམས་པ་ལས་ཕྱིས་ཡང་ཁྲོས་ཏེ་ཚིགས་སུ་བཅད་དེ་སྨྲས་པ། ཤོ་ཤུམ་པ་ནི་ཁྱོད་སྦྱིན་པ། །རྒྱན་ཀུན་གྱིས་ནི་བཀླུབས་བཞིན་ཏེ། །བོང་བུ་བསྐྱོན་ལ་སྤུགས་ནས་ནི། །གྲོང་ཁྱེར་ནས་ནི་མྱུར་དུ་དེང་། །རྒྱལ་པོ་དེ་ཁྲོས་ནས་བཞོན་པ་བོང་བུ་ལ་ཤོ་ཤུམ་པ་དང་ལོང་བ་ལྷན་ཅིག་ཏུ་བསྐྱོན་ཏེ་
D6.011.0097b07.01