完整藏文原文 · 德格版页 当前仅加载第 11 函德格 212a 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བ་དང་བདེ་བས་མངོན་པར་རླན། རབ་ཏུ་རླན། ཀུན་དུ་ཚིམ། ཀུན་དུ་ཁྱབ་བོ། །འདི་ལྟ་སྟེ། དེའི་ལུས་ཐམས་ཅད་ཏིང་ངེ་འཛིན་ལས་སྐྱེས་པའི་དགའ་བ་དང་། བདེ་བས་མ་ཁྱབ་པའམ། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །དེ་འདི་ལྟ་སྟེ། མ་སྡུག་རིའི་སྤྱི་བོར་
D6.011.0212a01.01བཀོད་པའི་མཚོ་མཚེའུ་དེ་ལ་ཤར་ཕྱོགས་ནས་ཆུ་མི་བབ། ལྷོ་ཕྱོགས་ནས་མ་ཡིན། ནུབ་ཕྱོགས་ནས་མ་ཡིན་ཏེ། བྱང་ཕྱོགས་ནས་ཆུ་འབབ་པར་ཀྱང་མི་འགྱུར། དེར་དུས་དུས་སུ་ཡང་དག་པར་ཆར་པ་ཡང་མི་འབབ་སྟེ། བཀོད་མའི་ཆུ་དེ་ལས་གཞན་ནི་མ་གཏོགས་ཏེ་ཆུའི་རྫིང་གི་ཆུའི་བུ་གུ་
D6.011.0212a02.01ཆེན་པོ་ནས་ཆུའི་ཕུང་པོ་ཆེན་པོ་འབྱུང་བས་ཆུའི་རྫིང་བུ་དེ་ཐམས་ཅད་ཆུ་གྲང་མོས་མངོན་པར་རླན། རབ་ཏུ་རླན། ཀུན་དུ་ཚིམ། ཀུན་དུ་ཁྱབ་སྟེ་འདི་ལྟ་སྟེ། ཆུ་གྲང་མོས་ཆུའི་རྫིང་བུ་ཐམས་ཅད་དུ་མ་ཁྱབ་པར་གྱུར་པ་ནི་ཅུང་ཟད་ཀྱང་མེད་དེ། དེ་དེ་ལྟར་འདི་བཞིན་དུ་དེ་ལུས་འདི་ཉིད་ལ་ཏིང་ངེ་འཛིན་
D6.011.0212a03.01ལས་སྐྱེས་པའི་དགའ་བ་དང་བདེ་བས་མངོན་པར་རླན། རབ་ཏུ་རླན། ཀུན་དུ་ཚིམ། ཀུན་དུ་ཁྱབ་སྟེ། འདི་ལྟ་སྟེ། ཏིང་ངེ་འཛིན་ལས་སྐྱེས་པའི་དགའ་བ་དང་བདེ་བས་ལུས་ཐམས་ཅད་དུ་མ་ཁྱབ་པ་དང་། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །དེས་དགའ་བ་སྤངས་ནས་བཏང་སྙོམས་
D6.011.0212a04.01དང་། དྲན་པ་དང་། རབ་ཏུ་ཤེས་པ་དང་། བདེ་བས་ལུས་ལ་སོ་སོར་མྱོང་བར་གནས་ཏེ། གང་འཕགས་པ་དག་གིས་གསུངས་པའི་དྲན་པ་དང་ལྡན་པའི་བཏང་སྙོམས་པར་བྱས་ཏེ་བདེ་བར་གནས་སོ་ཞེས་བྱ་བའི་བསམ་གཏན་གསུམ་པ་མངོན་དུ་བསྒྲུབས་ཏེ་གནས་སོ། །དེའི་ལུས་འདི་ལ་དགའ་བ་
D6.011.0212a05.01མེད་པའི་བདེ་བས་མངོན་པར་རླན། རབ་ཏུ་རླན། ཀུན་དུ་ཚིམ། ཀུན་དུ་ཁྱབ་བོ། །འདི་ལྟ་སྟེ། དགའ་བ་མེད་པའི་བདེ་བས་ལུས་ཐམས་ཅད་དུ་ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །དེ་འདི་ལྟ་སྟེ། མེ་ཏོག་ཨུཏྤ་ལའམ། པད་མོའམ། ཀུ་མུ་དའམ། པུན་ད་རི་ཀ་དག་ཆུ་ལས་སྐྱེས་
D6.011.0212a06.01ཏེ། ཆུར་འཕེལ་ཞིང་རྩ་བ་ཆུར་ནུབ་ནས་གནས་སོ། །དེ་དག་ཇི་ཙམ་རྩ་བ་ནས་རྩེ་མོའི་བར་དུ་འདི་ལྟ་སྟེ། བསིལ་བའི་ཆུས་མ་ཁྱབ་པའམ། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །དེ་ལྟར་དེ་བཞིན་དུ་ལུས་འདི་ཉིད་ལ་དགའ་བ་མེད་པའི་བདེ་བས་མངོན་པར་རླན། རབ་ཏུ་རླན།
D6.011.0212a07.01