完整藏文原文 · 德格版页 当前仅加载第 11 函德格 257b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་མངོན་ཤེས་ནས་ཁྱོད་ལ་སྨྲ། །ལམ་རྒྱལ་བ་དང་ལམ་འཆད་པ། །ལམ་འཚོ་དང་ནི་གང་ཞིག་ལམ་སུན་འབྱིན། །ལམ་རྒྱལ་བ་ལ་སངས་རྒྱས་ཅི་ཞིག་གསུངས། །ལམ་བཤད་ཇི་ལྟར་མཉམ་པ་མེད་ཅེས་བགྱི། །ཁྱོད་ལ་ཞུས་པ་ལམ་འཚོ་གསུངས། །འོན་ཏམ་ལམ་སུན་
D6.011.0257b01.01འབྱིན་པ་བདག་ལ་གསུངས། །གང་གིས་ཐེ་ཚོམ་སྨྲ་བ་ཆད་ནས་ཉོན་མོངས་བྲལ། །གཞན་གྱིས་མི་བཀྲི་མྱ་ངན་འདའ་ལ་དགའ། །འཇིག་རྟེན་ལྷ་རུ་བཅས་པའི་སྟོན་པ་སྟེ། །དེ་ནི་ལམ་རྒྱལ་སངས་རྒྱས་ཀྱིས་སུ་གསུངས། །གང་གིས་རབ་དང་མཆོག་ཤེས་པའི། །གསུངས་
D6.011.0257b02.01པའི་ཆོས་ལ་དེ་བཞིན་ཕྱེ། །དེ་ནི་ཐེ་ཙོམ་གཅོད་པའི་ཐུབ་པ་སྟེ། །གཞན་གྱིས་མི་བཀྲི་གཉིས་སུ་མེད། །དཀའ་ཐུབ་ཀྱིས་སུ་ལམ་བཤད་པ་རུ་གསུངས། །གང་གིས་ཆོས་ཚིག་ལེགས་བཤད་པ། །ལམ་འཚོ་དཀའ་ཐུབ་དྲན་པའི་བདག །ཁ་ན་མ་ཐོའི་ཚིག་ལ་སློབ་པ་ནི། །
D6.011.0257b03.01གསུམ་སྟེ་དཀའ་ཐུབ་ཀྱིས་ནི་ལམ་འཚོར་གསུངས། །ལེགས་དགའ་ནང་ན་གཡོགས་བྱས་ན། །རབ་སྐེམས་རིགས་སུན་བྱུང་རྒྱལ་སྨྲ། །སྒྱུ་ཅན་སྡོམ་མེད་རབ་སྨྲ་བ། །མི་རིགས་སྤྱོད་པ་དེ་ནི་ལམ་སུན་འབྱིན། །ཁྱིམ་བདག་གང་ཞིག་རབ་བསམས་པ། །ཐོས་དང་ལྡན་ཏེ་འཕགས་
D6.011.0257b04.01པའི་ཉན་ཐོས་ཀྱིས། །རབ་ཤེས་ཐམས་ཅད་འདི་འདྲར་མི་འགྱུར་རོ། །ཤེས་ནས་དེ་ཡི་དད་པ་འབྲི་མི་འགྱུར། །མི་སྲུན་འདི་དང་སྲུན་པ་དང་། །དག་པ་དང་ནི་མ་དག་པ། །མཉམ་པ་རུ་ནི་ཇི་ལྟར་བྱ། །གཅིག་གིས་སྡིག་པའི་ལས་བྱས་ནས། །སྡིག་མི་བྱེད་པའང་འགྲོ་རྣམས་དོགས། །
D6.011.0257b05.01ཁ་དོག་གཟུགས་ལྡན་མིར་མི་བརྟག །མ་རབས་མཐོང་མ་ཐག་ཏུ་ཡིད་མི་བརྟན། །རབ་ཏུ་མི་སྡོམ་མང་དུ་མཚན་མ་ཅན། །མི་ཐུབ་པ་ནི་འཇིག་རྟེན་འདི་ན་སྤྱོད། །གསེར་གྱིས་གཡོགས་པའི་རྣ་ཆ་འདྲ། །ལྕགས་ཀྱི་དོང་ཙེ་གསེར་གྱིས་གཡོགས་པ་བཞིན། །ནང་ནི་ཞེ་སྡང་
D6.011.0257b06.01ཕྱི་ནི་འཕགས་པའི་གཟུགས། །གཡོ་དང་ལྡན་པ་ཁ་ཅིག་འདི་ན་སྤྱད། །དེ་ནས་བཅོམ་ལྡན་འདས་ཀྱིས་མགར་བའི་བུ་ཙུན་དའི་སྦྱིན་པ་དེ་ལ་རྗེས་སུ་ཡི་རང་བ་འདིས་རྗེས་སུ་ཡི་རང་བར་མཛད་དོ། །བྱིན་ན་བསོད་ནམས་རབ་ཏུ་འཕེལ། །ཡང་དག་སྡོམ་ལས་ཁོན་མི་འཕེལ། །
D6.011.0257b07.01