完整藏文原文 · 德格版页 当前仅加载第 11 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
ས་ཆེན་པོ་གཡོ། སྐར་མདའ་ལྷུང་། ཕྱོགས་ཚིག །བར་སྣང་ནས་ལྷ་དག་རྔ་རྡུང་བར་འགྱུར་རོ། །དེ་བཞིན་ནོ། །ཀུན་དགའ་བོ་དེ་དེ་བཞིན་ཏེ། དེ་ལྟར་ངོ་མཚར་ཆེན་པོ་རྨད་ཀྱི་ཆོས་དང་ལྡན་པ་ནི་ཀུན་དགའ་བོ་དེ་བཞིན་གཤེགས་པ་ཡང་དག་པར་རྫོགས་
D6.011.0253a01.01པའི་སངས་རྒྱས་རྣམས་སོ། །ཀུན་དགའ་བོ་ང་རྒྱལ་རིགས་ཀྱི་འཁོར་བརྒྱ་ཕྲག་དུ་མ་ལ་བལྟ་བའི་ཕྱིར་འགྲོའོ། །སོང་ནས་ཀྱང་ཇི་ལྟར་དེ་དག་གི་སྲིད་དང་ཞེང་དུ་གྱུར་པ་ངའི་ཡང་སྲིད་དང་ཞེང་ཡང་དེ་འདྲ་བར་འགྱུར་རོ། །ཇི་ལྟར་དེ་དག་གི་ཁ་དོག་མཛེས་པ་ངའི་ཁ་དོག་མཛེས་པ་ཡང་དེ་དང་འདྲ་
D6.011.0253a02.01བར་འགྱུར། ཇི་ལྟར་དེ་དག་གི་དབྱངས་ཀྱི་ང་རོར་གྱུར་པ་ངའི་དབྱངས་ཀྱི་ང་རོ་ཡང་དེ་འདྲ་བར་འགྱུར། དེ་དག་གིས་དོན་གང་ལ་སྨྲ་བ་ང་ཡང་དོན་དེ་སྨྲའོ། །དེ་དག་གིས་གང་དོན་དུ་མ་སྨྲས་པ་ང་ཡང་དེ་ལ་དོན་དུ་མི་སྨྲའོ། །ལྷག་པར་ཡང་དེ་དག་ལ་(ཆས་,ཆོས་)ཀྱི་གཏམ་ཡང་དག་པར་བསྟན།
D6.011.0253a03.01ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་དེ་ཉིད་དུ་མི་སྣང་བར་འགྱུར་རོ། །ང་མི་སྣང་བར་གྱུར་པ་དང་། མི་སྣང་བར་གྱུར་པ་དེ་ལྷའམ་མི་གང་ཡིན་པར་གཏོལ་མེད་པར་གྱུར་པ་ཡང་མངོན་པར་ཤེས་སོ། །ཇི་ལྟར་རྒྱལ་
D6.011.0253a04.01རིགས་ཀྱི་འཁོར་དུ་བྱས་པ་དེ་བཞིན་དུ་བྲམ་ཟེའི་འཁོར་དང་ཁྱིམ་བདག་གི་འཁོར་དང་། དགེ་སློང་གི་འཁོར་དང་། རྒྱལ་ཆེན་བཞིའི་རིས་དང་། སུམ་བཅུ་རྩ་གསུམ་གྱི་ལྷ་རྣམས་དང་། མཚེ་མ་དང་། དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་དང་།
D6.011.0253a05.01ཚངས་རིས་དང་། ཚངས་ལྷ་ཉེ་ཕན་དང་། ཚངས་པ་ཀུན་རིས་དང་། ཚངས་ཆེན་དང་། འོད་ཆུང་དང་། ཚད་མེད་འོད་དང་། འོད་སྣང་དང་། དགེ་ཆུང་དང་། ཚད་མེད་དགེ་དང་། དགེ་རྒྱས་དང་། སྤྲིན་མེད་དང་། བསོད་ནམས་འཕེལ་བ་དང་། འབྲས་བུ་ཆེ་དང་། མི་ཆེ་བ་
D6.011.0253a06.01དང་། མི་གདུང་དང་། ཤིན་ཏུ་སྣང་དང་། གྱ་ནོམ་མཐོང་དང་། འོག་མིན་གྱི་ལྷ་རྣམས་ལ་ལྟ་བའི་ཕྱིར་འགྲོའོ། །སོང་ནས་ཀྱང་ཇི་ལྟར་དེ་དག་གི་སྲིད་དང་ཞེང་དུ་གྱུར་པ་ངའི་ཡང་སྲིད་དང་ཞེང་ཡང་དེ་འདྲ་བར་འགྱུར་རོ། །ཇི་ལྟར་དེ་དག་གི་ཁ་དོག་མཛེས་པར་གྱུར་པ་དེ་ལྟར་ངའི་
D6.011.0253a07.01