完整藏文原文 · 德格版页 当前仅加载第 11 函德格 30a 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་བཟང་བ། མཛེས་པ། བལྟ་ན་སྡུག་པ། ཡན་ལག་དང་ཉིང་ལག་ཐམས་ཅད་དང་ལྡན་པ་ཞིག་བཙས་སོ། །དེ་བཙས་པའི་ཚེ་དེའི་ཁྱིམ་ཉི་མའི་འོད་བཞིན་དུ་སྣང་བར་གྱུར་ཏོ་ཞེས་སྒྲ་དེ་གྲགས་པ་དང་། སྲོག་ཆགས་བརྒྱ་སྟོང་ཕྲག་མང་པོ་ངོ་མཚར་དུ་གྱུར་ནས་ཁྱིམ་
D6.011.0030a01.01བདག་དེའི་ཁྱིམ་དུ་འདུས་སོ། །རེ་ཞིག་ན་བྲམ་ཟེ་ལྟས་མཁན་ཞིག་ཡུལ་གཞན་ནས་འོངས་པ་དེ་ཡང་ངོ་མཚར་གྱི་ཕྱིར་དེ་ཉིད་དུ་འདུས་ཏེ་དེས་དེ་ལ་ཕན་ཚུན་དུ་བལྟས་ནས་སྐྱེ་བོའི་ཚོགས་ལ་སྨྲས་པ། ཤེས་ལྡན་དག་ཁྱེད་ཀྱིས་བུ་མོ་འདི་མཐོང་ངམ། དེ་དག་གིས་སྨྲས་པ་མཐོང་ངོ་། །ཤེས་ལྡན་
D6.011.0030a02.01དག་བུ་མོ་འདི་ནི་ཅི་ནས་ཀྱང་སྐྱེས་བུ་ལྔ་བརྒྱ་དང་ལྷན་ཅིག་དགའ་མགུར་སྤྱོད་པར་འགྱུར་རོ། །དེ་དག་གིས་སྨྲས་པ། བྲམ་ཟེ་འདིའི་གཟུགས་འདི་ལྟར་མཛེས་པ་དང་སྦྱར་ན་འདི་ནི་གདོན་མི་ཟ་བར་སྐྱེས་པ་ལྔ་བརྒྱ་དང་དགའ་མགུར་སྤྱོད་པར་འགྱུར་རོ། །མཉན་ཡོད་ཐམས་
D6.011.0030a03.01ཅད་དུ་ཡང་ཁྱིམ་བདག་ཅིག་གི་བུ་མོ་གཟུགས་བཟང་བ། མཛེས་པ། བལྟ་ན་སྡུག་པ། ཡན་ལག་དང་ཉིང་ལག་ཐམས་ཅད་དང་ལྡན་པ་ཞིག་བཙས་ཏེ། དེ་བཙས་པའི་ཚེ་དེའི་ཁྱིམ་དེ་ཉི་མའི་འོད་བཞིན་དུ་སྣང་བར་གྱུར་ཏོ། །དེ་ལ་མཚན་མཁན་གྱིས་བུ་མོ་འདི་ནི་སྐྱེས་
D6.011.0030a04.01པ་ལྔ་བརྒྱ་དང་ལྷན་ཅིག་དགའ་མགུར་སྤྱོད་པར་ལུང་བསྟན་ཏོ་ཞེས་སྒྲ་གྲགས་ནས་གང་གིས་སྒྲ་ཐོས་པ་དེ་ཡང་དེར་འོང་བར་གྱུར་ཏོ། །ཞག་བདུན་གསུམ་ཉི་ཤུ་རྩ་གཅིག་ཏུ་དེ་བཙས་པའི་བཙས་སྟོན་རྒྱ་ཆེན་པོ་བྱས་ནས་མིང་འདོགས་པར་བྱེད་དེ། བུ་མོ་འདིའི་མིང་ཇི་སྐད་དུ་
D6.011.0030a05.01གདགས། ཉེ་དུ་དག་གིས་སྨྲས་པ། བུ་མོ་འདི་བཙས་པའི་ཚེ་ཁྱིམ་ཉི་མའི་འོད་བཞིན་དུ་སྣང་བར་གྱུར་པས། དེའི་ཕྱིར་བུ་མོའི་མིང་འོད་བཟང་མ་ཞེས་གདགས་སོ་ཞེས་དེའི་མིང་འོད་བཟང་མ་ཞེས་བྱ་བར་བཏགས་སོ། །འོད་བཟང་མ་མ་མ་བརྒྱད་པོ་པང་ན་འཚོ་བའི་མ་མ་གཉིས་
D6.011.0030a06.01དང་། ནུ་ཞོ་ལྡུད་པའི་མ་མ་གཉིས་དང་། དྲི་མ་འཕྱི་བའི་མ་མ་གཉིས་དང་། རྩེན་གྲོགས་ཀྱི་མ་མ་གཉིས་ལ་གཏད་དེ། དེ་མ་མ་བརྒྱད་ཀྱིས་འོ་མ་དང་། ཞོ་དང་། མར་སར་དང་། མར་ཀར་དང་། མར་གྱི་སྙིང་གུ་དང་། གཞན་ཡང་ཡོ་བྱད་ཀྱི་ཁྱད་པར་གཙོ་བོ་གཙོ་བོ་
D6.011.0030a07.01