完整藏文原文 · 德格版页 当前仅加载第 11 函德格 250a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་གཡོ་བའི་རྒྱུ་གསུམ་པ་དང་རྐྱེན་གསུམ་པའོ། །གཞན་ཡང་ཀུན་དགའ་བོ་ནམ་གྱི་དུས་ན་བྱང་ཆུབ་སེམས་དཔའ་དེ་དག་ཡུམ་གྱི་ལྷུམས་ནས་འབྱུང་བ་དེའི་དུས་ན་ཡང་ས་ཆེན་པོ་ཤིན་ཏུ་གཡོ་བར་གྱུར་ཏེ་ཞེས་པ་ནས་སྔ་མ་བཞིན་ཀྱེ་སེམས་ཅན་གཞན་དག་ཀྱང་འདིར་སྐྱེས་སོ། །ཀྱེ་
D6.011.0250a01.01སེམས་ཅན་གཞན་དག་ཀྱང་འདིར་སྐྱེས་སོ་ཞེས་ཤེས་པའི་བར་དུ་སྟེ། ཀུན་དགའ་བོ་འདི་ནི་ས་ཆེན་པོ་གཡོ་བའི་རྒྱུ་བཞི་པ་དང་རྐྱེན་བཞི་པའོ། །གཞན་ཡང་ཀུན་དགའ་བོ་ནམ་གྱི་དུས་ན་བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བ་དེའི་དུས་ན་
D6.011.0250a02.01ས་ཆེན་པོ་ཤིན་ཏུ་གཡོ་བ་ནས་སྔ་མ་བཞིན་ཏེ། ཀྱེ་སེམས་ཅན་གཞན་ཡང་འདིར་སྐྱེས་སོ། །ཀྱེ་སེམས་ཅན་གཞན་ཡང་འདིར་སྐྱེས་སོ་ཞེས་བྱ་བའི་བར་དུ་སྟེ། ཀུན་དགའ་བོ་འདི་ནི་ས་ཆེན་པོ་གཡོ་བའི་རྒྱུ་ལྔ་པ་དང་རྐྱེན་ལྔ་པའོ། །གཞན་ཡང་ཀུན་དགའ་བོ་ནམ་གྱི་དུས་ན་དེ་བཞིན་
D6.011.0250a03.01གཤེགས་པས་ཆོས་ཀྱི་འཁོར་ལོ་རྣམ་པ་བཅུ་གཉིས་ལན་གསུམ་དུ་བསྐོར་བ་དེའི་དུས་ན་ཡང་ས་ཆེན་པོ་ཤིན་ཏུ་གཡོ་བ་ནས་སྔ་མ་བཞིན་ཏེ། ཀྱེ་སེམས་ཅན་གཞན་ཀྱང་འདིར་སྐྱེས་སོ། །ཀྱེ་སེམས་ཅན་གཞན་ཀྱང་འདིར་སྐྱེས་སོ་ཞེས་པའི་བར་དུ་སྟེ། ཀུན་དགའ་བོ་འདི་ནི་ས་ཆེན་པོ་
D6.011.0250a04.01གཡོ་བའི་རྒྱུ་དྲུག་པ་དང་རྐྱེན་དྲུག་པའོ། །གཞན་ཡང་ཀུན་དགའ་བོ་ནམ་གྱི་དུས་ན་དེ་བཞིན་གཤེགས་པས་འཚོ་བའི་འདུ་བྱེད་ནི་བྱིན་གྱིས་བརླབས། ཚེའི་འདུ་བྱེད་སྤངས་པ་དེའི་དུས་ན་ས་ཆེན་པོ་ཤིན་ཏུ་གཡོ་བར་འགྱུར་ཏེ། སྐར་མདའ་ལྷུང་། ཕྱོགས་ཚིག་སྟེ། བར་སྣང་ན་ལྷ་
D6.011.0250a05.01རྣམས་རྔ་རྡུང་བར་གྱུར་ཏེ། ཀུན་དགའ་བོ་འདི་ནི་ས་ཆེན་པོ་གཡོ་བའི་རྒྱུ་བདུན་པ་དང་རྐྱེན་བདུན་པའོ། །གཞན་ཡང་ཀུན་དགའ་བོ་རིང་པོ་མི་ཐོགས་པར་དེ་བཞིན་གཤེགས་པ་ཟླ་བ་གསུམ་འདས་པ་དང་ཕུང་པོ་མ་ལུས་པའི་མྱ་ངན་ལས་འདའ་བའི་དབྱིངས་སུ་མྱ་ངན་ལས་འདའ་བར་གྱུར་
D6.011.0250a06.01པ་དེའི་དུས་ན་ས་ཆེན་པོ་ཤིན་ཏུ་གཡོ་བར་འགྱུར་ཏེ། སྐར་མདའ་ལྷུང་། ཕྱོགས་ཀུན་ཚིག །བར་སྣང་ན་ལྷ་རྣམས་རྔ་རྡུང་བར་གྱུར་ཏེ། ཀུན་དགའ་བོ་འདི་ནི་ས་ཆེན་པོ་གཡོ་བའི་རྒྱུ་བརྒྱད་པ་དང་རྐྱེན་བརྒྱད་པའོ། །དེ་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་
D6.011.0250a07.01