完整藏文原文 · 德格版页 当前仅加载第 11 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
བྱིས་པ་རྐུ་བ་དང་། གླང་རྐུ་བ་དང་། ལ་བ་རྐུ་བ་ལ་སོགས་པ་རྣམས་སྨན་ཆེན་པོས་འདི་ལྟ་བུའི་ཆད་པས་གཅད་དོ་ཞེས་བྲིས་སོ། །སྨན་ཆེན་པོ་ལ་སོགས་པ་བྱིས་པ་དེ་རྣམས་རྒྱལ་པོ་འོང་བ་མཐོང་ནས་ཀུན་དུ་བྲོས་སོ། །དེ་ནས་རྒྱལ་པོ་དེས་དེའི་ལས་བྱས་པ་མཐོང་ནས་སེམས་ལ་དགའ་མགུ་
D6.011.0061b01.01སྟེ་བྱིས་པ་ཡིན་མོད་ཀྱི་འདི་ལྟ་བུ་བྱེད་པ་ལ་བལྟས་ན་འདི་དག་ཉེས་པ་ནི་མ་ཡིན་ནོ་སྙམ་བསམས་ནས་རྒྱལ་པོས་དེ་དག་ཕྱུང་སྟེ་བཀྱེའོ། །པཱུརྞ་ཀཙྪ་ན་གང་པོས་རྒྱལ་པོ་དེར་ཕྱིན་པ་ཐོས་ནས་བུམ་པ་ཆུས་བཀང་བ་དང་། གདུགས་དང་། བ་དན་དང་། རྒྱལ་མཚན་ལ་སོགས་པས་བསུ་བ་དང་། རྒྱལ་
D6.011.0061b02.01པོས་ཀྱང་མ་འཇིགས་ཤིག་ཅེས་བྱས་ནས་གང་པོ་ལ་ཁྱོད་ཀྱི་བུ་བལྟས་ཁྲིད་དེ་ཤོག་ཅེས་སྨྲས་པ་དང་། གང་པོས་ལྷ་བྱིས་པ་ཆུང་ཆེས་པས་ན་དེ་ལྷའི་སྤྱན་སྔར་མི་དགུག་གོ་ཞེས་གསོལ་ཏོ། །རྒྱལ་པོས་ཡང་ཁྲིད་དེ་ཤོག་ཅེས་སྨྲས་པ་དང་། དེ་ནས་ཕས་ཁྲིད་དེ་འོངས་ནས་རྒྱལ་པོས་
D6.011.0061b03.01བལྟས་ན་གཟུགས་ལེགས་ཤིང་། བལྟ་ན་སྡུག་པ། བཟང་བ། དཔའ་བོ་ཞིག་ན། བྱིས་པ་སྟེ་ཤེད་མ་རྫོགས་ནས་དེའི་ཕ་ལ་རྣམ་པ་དུ་མར་བསྒོ་ཞིང་གཏང་ནས་སླར་ཆས་སོ། །དུས་ཕྱི་ཞིག་ན་རྒྱལ་པོས་སྨན་ཆེན་པོ་དེ་བློ་ཅི་བདོག་པ་བགམ་ན་ཅི་འདྲི་བར་བྱ་ཞེས་བསམས་ནས་
D6.011.0061b04.01རྒྱལ་པོ་སྐྱེད་པས་པཱུརྞ་ཀཙྪའི་རི་བྲགས་ཀྱི་གྲོང་རྡལ་དུ་གྲོང་དཔོན་གང་པོ་ལ་ཕོ་ཉ་བཏང་ནས་བྱེ་མ་ལས་བྱས་པའི་ཐག་པ་ཁྲུ་བརྒྱ་པ་ཅིག་འདིར་སྐུར་ཅིག་ཅེས་སྤྲིང་སྟེ། ཕོ་ཉ་དེ་སོང་ནས་རི་བྲགས་ཀྱི་གྲོང་རྡལ་དུ་གང་པོའི་དྲུང་དུ་ཕྱིན་ནས་རྒྱལ་པོས་བཀའ་སྩལ་པ། བྱེ་མ་ལས་བྱས་པའི་
D6.011.0061b05.01ཐག་པ་ཁྲུ་བརྒྱ་པ་ཅིག་བསྐུར་ཅིག་ཅེས་བྱས་པ་དང་། གྲོང་དཔོན་གང་པོས་དེ་ཐོས་ནས་རབ་ཏུ་སེམས་ཤིང་མི་དགའ་སྐྲག་སྔངས་ཏེ། བདག་འདི་ཙམ་དུ་སྐྱེས་ནས་མ་མཐོང་མ་ཐོས་པའི་ཀླན་ཀ་ཞིག་བདག་ལ་ཚོལ་ལོ་ཞེས་སྨྲས་ཏེ་ཤིན་ཏུ་མི་དགའ་བ་དང་། གང་པོ་ལ་སྨན་ཆེན་པོས་
D6.011.0061b06.01ཕ་ཅི་ཉེས་ཏེ་མི་དགའ་ཞེས་དྲིས་པ་དང་། ཕས་བུ་བདག་གིས་ཚོར་ཀྱང་མ་ཐོས་མ་མཐོང་བ་རྒྱལ་པོས་ཕས་ནི་ཅིའི་ཐབས་ཞིག་གིས་ཆད་པས་གཅོད་པར་བྱེད་དམ་མི་ཤེས་སོ་ཞེས་སྨྲས་པ་དང་། དེ་ནས་སྨན་ཆེན་པོས་སྨྲས་པ། མི་དེ་བདག་དང་སྤྲོད་ཅིག་དང་རྒྱལ་པོ་སྐྱེད་པ་ལ་ལན་
D6.011.0061b07.01