完整藏文原文 · 德格版页 当前仅加载第 11 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་དག་གིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་མ་དད་པ་རྣམས་འཕྱ་བའི་གཞི་ནི་ཚུལ་མ་ཡིན་པ་དེ་དག་སྟེ། དེ་ལྟ་བས་ན་དགེ་སློང་མ་རྣམས་ཀྱིས་སྒོ་ཁང་དང་། ཁྱམས་སུ་འདུག་སྟེ་མེ་ཏོག་བརྒྱུ་བར་
D6.011.0182a01.01མི་བྱའོ། །དགེ་སློང་མ་དག་སྒོ་ཁང་དང་ཁྱམས་སུ་འདུག་སྟེ་ཕྲེང་བ་རྒྱུད་ན་འགལ་ཚབས་ཅན་དུ་འགྱུར་རོ། །གཞན་ཡང་གང་ཤེས་པ་ཡོད་ན་དབེན་པའི་ཕྱོགས་སུ་བརྒྱུ་བར་བྱའོ། །དགེ་སློང་མ་དག་སྒོ་ཁང་དང་ཁྱམས་སུ་འདུག་སྟེ། མེ་ཏོག་རྒྱུད་ན་འགལ་ཚབས་ཅན་དུ་འགྱུར་
D6.011.0182a02.01རོ།། །།སྡོམ་ནི། ཁར་བའི་སྣོད་དང་ཆང་གི་ལས། །ཁྱིམ་གྱི་གཞི་རྣམས་འཚོང་པ་དང་། །དེ་བཞིན་ཚོང་ཁང་གཞི་དག་དང་། །ལྷ་འདྲའི་གཟུགས་ནི་མི་བཅང་བའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་
D6.011.0182a03.01གྱི་ཀུན་དགའ་ར་བ་ན་བཞུགས་སོ། །སྦོམ་དགའ་མོ་ཁར་བ་མཁན་གྱི་དྲུང་དུ་སོང་སྟེ་སྨྲས་པ། བཞིན་{བཟངས་,བཟང་}ཁར་བའི་ལྷུང་བཟེད་བྱེད་ནུས་སམ་དེས་སྨྲས་པ། འཕགས་མ་དེ་བཞིན་དུ་ཤེས་ན་ཚད་ཇི་ཙམ་དུ་བགྱི་ཆེན་པོ་ཞིག་བྱའོ། །འཕགས་མ་ལ་ཁར་བའི་ལྷུང་བཟེད་ཆེན་
D6.011.0182a04.01པོ་ཅི་དགོས། བཀྲེན་པ་ཁྱོད་ལ་རིན་མེད་པར་ནི་བྱེད་དུ་མི་འཇུག་ན་རིན་ཚང་བར་སྦྱིན་གྱིས་བྱོས་ཤིག །དེས་བསམས་པ་བདག་ལ་འགོད་པ་ནི་ཅི་ཡང་མེད་ན་བྱའོ་སྙམ་ནས་དེས་ཁར་བའི་ལྷུང་བཟེད་ཆེན་པོ་ཞིག་བྱས་སོ། །དེས་སྨྲས་པ། འདིར་གཞུག་ཏུ་རུང་བ་གཞན་གཅིག་
D6.011.0182a05.01ཀྱང་བྱོས་ཤིག་དེས་གཞན་ཞིག་ཀྱང་བྱས་ཏེ། དེས་གཞན་བདུན་གྱི་བར་བྱས་སོ། །སྦོམ་དགའ་མོས་དེ་དག་དགེ་སློང་མ་རྣམས་བྱི་དོར་བྱེད་དུ་བཅུག་ནས་ཚོན་སྣ་ལྔའི་སྐུད་པའི་དྲ་བར་དེས་དེ་རིམ་བཞིན་དུ་བཅུག་སྟེ། དགེ་སློང་མའི་མགོ་ལ་བསྐུར་ནས་གང་དུ་མགྲོན་དུ་བོས་པ་དེར་
D6.011.0182a06.01སོང་སྟེ་ཕྱིན་ནས་དེ་དག་བཀྲམ་སྟེ་འདུག་པ་དང་། བྲམ་ཟེ་དང་། ཁྱིམ་བདག་དག་གིས་སྨྲས་པ་འཕགས་མ་ཁྱོད་ཁར་བ་མཁན་གྱི་ཚོང་ཁང་འགྲིམས་སམ་ཅི། དེས་སྨྲས་པ། བཀྲེན་པ་ཁྱེད་ཅག་ཅི་ཤེས། རེ་ཞིག་འདིར་ནི་ཟན་བླང་ངོ་། །འདིར་ནི་ཁུར་བའོ་འདིར་ནི་འབྲས་ཆན་
D6.011.0182a07.01