完整藏文原文 · 德格版页 当前仅加载第 11 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
བཟའ་བཏུང་ཞེས་བགྱི་བ་ལགས་ཏེ། ཕས་འདི་ལྟ་བུ་ཞིག་གི་སླད་དུ་བསྐྲད་ནས་འདིར་ཕྱིན་པ་ལགས་སོ། །དེ་ནས་བཟའ་བཏུང་གིས་ཀྱང་ལྔ་ལེན་གྱི་རྒྱལ་པོ་ལ་ཐམས་ཅད་རྒྱས་པར་བསྙད་དོ། །ཡང་སྨྲས་པ། མི་ཡི་བདག་པོ་སྐྱེད་པ་ནི། །དབང་པོ་འདྲ་བའི་
D6.011.0057a01.01སྲས་འདི་སྟེ། །གཟུགས་ལྡན་ཡོན་ཏན་ཕུན་ཚོགས་པ། །རྒྱལ་སྲིད་ཉམས་ནས་འདིར་མཆིས་སོ། །དེ་ནས་ལྔ་ལེན་གྱི་རྒྱལ་པོས་མགུལ་ནས་འཁྱུད་དེ། དགའ་བར་འགྱུར་བའི་གཏམ་རྣམ་པ་སྣ་ཚོགས་སྨྲས་ནས་དགའ་བ་ཁོང་དུ་ཆུད་པར་བྱས་ཏེ། དེ་ལ་བུ་མོ་དང་ཡུལ་དག་ཀྱང་བྱིན་ནོ། །
D6.011.0057a02.01དེ་ཡང་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་རེ་ཞིག་ན་སྐྱེ་དགུའི་བདག་མོ་དེ་སེམས་ཅན་དང་ལྡན་པར་གྱུར་ཏེ་ཟླ་བ་དགུ་ཚང་བ་དང་། ཁྱེའུ་གཟུགས་བཟང་བ་བལྟ་ན་སྡུག་པ། མཛེས་པ། མཐོང་ག་སེང་གེ་ལྟར་འདུག་པ། དཔུང་
D6.011.0057a03.01པ་རིང་བ། རོ་སྟོད་སེང་གེ་འདྲ་བ་ཞིག་བཙས་ནས། དེའི་བཙས་སྟོན་རྒྱ་ཆེར་བྱས་ནས་གཞོན་ནུའི་མིང་ཅིར་གདགས་སྙམ་པ་ལས། བདག་གི་མིང་བཟའ་བཏུང་ཡིན་པས་འདི་ནི་བཟའ་བཏུང་མང་པོའོ། །དེ་ནས་གཞོན་ནུ་བཟའ་བཏུང་མང་པོ་མ་མ་བརྒྱད་པོ་རྣམས་ལ་གཏད་
D6.011.0057a04.01པ་དང་། དེ་དག་གིས་བསྐུ་བ་དང་། ཕྱི་བ་དང་། བཀྲུ་བ་དང་། འོ་མ་དང་། སྦྲང་རྩི་དང་། མར་དཀར་རྣམས་ཀྱིས་བསྐྱེད་ནས་གང་གི་ཚེ་ཆེན་པོར་གྱུར་པ་དེའི་ཚེ། ཁྱེའུ་ཡི་གེ་སློབ་པའི་གྲྭར་ཡི་གེ་སློབ་ཏུ་བཏང་ངོ་། །དེའི་ཕ་བཟའ་བཏུང་ནི་ནད་ཀྱིས་བཏབ་ནས་དེ་སྨན་པ་དང་།
D6.011.0057a05.01སྨན་དང་ནད་གཡོག་རྣམས་ཀྱིས་ཀྱང་གསོ་བར་མ་ནུས་ནས་དུས་ལས་འདས་སོ། །དེ་དུས་ལས་འདས་པ་དང་། རྒྱལ་པོའི་བུ་མོ་ཤིན་ཏུ་མྱ་ངན་གྱིས་ཐེབས་ནས་ཆོ་ངེས་བཏབ་སྟེ་སྨྲེ་སྔགས་འདོན་ཏོ། །དེ་ནས་ལྔ་ལེན་གྱི་རྒྱལ་པོས་བསམས་པ། བུད་མེད་ཐམས་ཅད་ཀྱི་བསམ་པ་
D6.011.0057a06.01ནི་ཕལ་ཆེར་སྐྱེས་པ་འདོད་པ་ཡིན་པས་གཅིག་ལ་སྦྱིན་ནོ་སྙམ་ནས། དེས་དེ་དང་གཞོན་ནུ་བཟའ་བཏུང་མང་པོ་དང་བཅས་པར་མདུན་ན་འདོན་ལ་བྱིན་ནོ། །དེ་ནས་མདུན་ན་འདོན་དེ་དེ་དང་ལྷན་ཅིག་དགའ་བ་རྒྱ་ཆེན་པོ་ཉམས་སུ་མྱོང་བར་བྱེད་དོ། །རེ་ཞིག་མདུན་ན་འདོན་དེའི་ཁྱིམ་དྲུང་ན་
D6.011.0057a07.01