完整藏文原文 · 德格版页 当前仅加载第 11 函德格 159a 版页；藏文 NFD、目录标记与异常页序保留在来源切片中，重复版页行以稳定序号区分。
ད་ལྟར་དགེ་སྦྱོང་མགོ་རེག་མ་འདི་ནི་ལོགས་ཤིག་ན་སྨད་འཚོང་བ་བྱེད་དོ་ཞེས་འཕྱའོ། །དེ་ལྟར་གྱུར་པ་དགེ་སློང་རྣམས་ཀྱིས་ཐོས་ནས་སངས་རྒྱས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་དགེ་སློང་མ་སྦོམ་དགའ་མོས་དགེ་སྦྱོང་
D6.011.0159a01.01གི་བྱ་བ་མ་ཡིན་པ་ཆེར་བྱས་ཏེ། དེ་བས་ན་དགེ་སློང་མས་ལོགས་ཤིག་ན་སྨད་འཚོང་བ་མི་བྱ་བར་དགོངས་ནས་བཀའ་སྩལ་པ། དགེ་སློང་དག་བྲམ་ཟེ་དང་། ཁྱིམ་བདག་དག་འཕྱ་ལ་སྨོད་ཅིང་ངན་དུ་ཟེར་བ་ནི་གནས་ཡིན་ཏེ། སྦོམ་དགའ་མོས་དགེ་སྦྱོང་མ་ཡིན་པའི་
D6.011.0159a02.01ལས་བྱས་སོ། །དེ་བས་ན་དགེ་སློང་མས་ལོགས་ཤིག་ན་སྨད་འཚོང་མ་བྱེད་དུ་མ་གཞུག་ཤིག །དགེ་སློང་མས་ལོགས་ཤིག་ན་སྨད་འཚོང་བ་བྱེད་དུ་བཅུག་ན་ལྟུང་བ་སྦོམ་པོར་འགྱུར་རོ།། །།འདུལ་བ་ཕྲན་ཚེགས་ཀྱི་གཞི། བམ་པོ་བཞི་བཅུ་རྩ་གཉིས་པ།
D6.011.0159a03.01གླེང་གཞི་ནི་རྒྱལ་པོའི་ཁབ་ན་སྟེ། ནམ་གར་མཁན་དག་གིས་མི་མང་པོའི་དབུས་སུ་དྲུག་སྡེ་དག་ལ་དཔྱས་པའི་ཚེ་དེའི་དུས་ན་དེ་དག་གཅིག་ལ་གཅིག་གྲོས་སུ་བྱེད་དེ། དེ་དག་གི་ནང་ནས་གཅིག་གིས་ཀྱེ་གར་མཁན་དག་གིས་མི་མང་པོའི་དབུས་སུ་བདག་ཅག་ལ་དཔྱས་པ་དེ་
D6.011.0159a04.01ཐམས་ཅད་བཅུ་གཉིས་སྡེས་ལན་ན། བུ་ཟན་མོའི་བུ་དེ་ལ་དེ་དག་གིས་ལྷུང་བཟེད་དང་ཆོས་གོས་དག་མ་བྱིན་དང་། དེས་བདག་ཅག་ལ་དཔྱ་བར་མི་འགྱུར་བ་ཞིག་ན། ད་ནི་དེའི་དུས་ལ་བབ་སྟེ། དེ་དག་ཐབས་ཇི་ལྟར་བྱ་བ་སྨྲོས་ཤིག་ཅེས་སྨྲས་པ་དང་། ཉེ་དགའ་བོས་
D6.011.0159a05.01སྨྲས་པ། དེ་ལ་གཞན་ཞིག་ནི་ཅི་བྱར་ཡོད། དེ་བདག་ཅག་གིས་རབ་ཏུ་བརྡེག་པར་བྱས་འདོང་ངོ་། གཅིག་གིས་ཡང་ལེགས་ཀྱིས་དེ་ལྟར་བྱའོ་ཞེས་སྨྲས་ནས། དེ་དག་གྲོས་བཅད་དེ་དེའི་དྲུང་དུ་དོང་བ་དང་། སྦོམ་དགའ་མོ་མཐོང་ངོ་། །དེ་རྣམས་ཀྱིས་
D6.011.0159a06.01ཀྱེ་དེ་དག་གི་ནང་ན་གཙོ་མོ་འདི་ཡིན་གྱིས་འདི་ལ་བརྡེག་པར་བྱའོ་ཞེས་སྨྲས་ནས། དེ་དག་གིས་དེ་ཐལ་མོ་དང་། དབྱུག་པ་དང་། རྡོག་པ་དང་། དབྱུག་གུ་དང་། ཁུ་ཚུར་དག་གིས་བརྡེགས་སོ། །དེ་བརྡེགས་ཟིན་པ་དང་། དེས་ལུས་ཡུངས་མར་གྱིས་བྱུགས་ནས་
D6.011.0159a07.01