完整藏文原文 · 德格版页 当前仅加载第 11 函德格 247b 版页；藏文 NFD、目录标记与异常页序保留在来源切片中，重复版页行以稳定序号区分。
ནང་གི་ཆོས་རྣམས་དང་། ཕྱིའི་ཆོས་རྣམས་དང་། ནང་དང་ཕྱིའི་ཆོས་རྣམས་ལ་ཆོས་ཀྱི་རྗེས་སུ་ལྟ་ཞིང་བརྩོན་འགྲུས་དང་། ཤེས་བཞིན་དང་། དྲན་པ་དང་ལྡན་པས་འཇིག་རྟེན་ལ་གནོད་སེམས་དང་། ཡིད་མི་བདེ་བ་སྤངས་ནས་གནས་པ་སྟེ། ཀུན་དགའ་བོ་དགེ་སློང་འདི་ལྟ་
D6.011.0247b01.01བུ་ནི་བདག་ཉིད་གླིང་དང་། བདག་ཉིད་སྐྱབས་དང་། ཆོས་ཀྱི་གླིང་དང་། ཆོས་ཀྱི་སྐྱབས་ཀྱིས་གནས་པར་བྱའི། གླིང་གཞན་དང་། སྐྱབས་གཞན་གྱིས་ནི་མ་ཡིན་ནོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ལྔ་བཅུ་གཅིག་པ། སྡོམ་བར་མ་ནི།
D6.011.0247b02.01དབྱར་བྱེད་གྲོང་ཁྱེར་པ་ཏ་ལི། །བྱས་པ་བསྒོ་དང་གང་གཱ་ལ། །ཀུ་ཏི་ཀ་དང་ན་ཏི་ཀ། །ཡངས་པ་ཅན་དང་འོད་མའི་ཚལ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་གྲོང་ཁྱེར་ཡངས་པ་ཅན་གང་ན་བར་འདོང་ངོ་ཞེས་བཀའ་སྩལ་པ་དང་། བཙུན་པ་
D6.011.0247b03.01དེ་བཞིན་བགྱིའོ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལས་མཉན་ཏེ། དེ་ནས་བཅོམ་ལྡན་འདས་ཡུལ་བྲྀ་ཛི་ནས་ལྗོངས་རྒྱུ་ཞིང་གྲོང་ཁྱེར་ཡངས་པ་ཅན་དུ་བྱོན་ཏེ་ཡངས་པ་ཅན་གྱི་སྤྲེའུ་རྫིང་གི་འགྲམ་ཁང་{བཟངས་,བཟང་}བརྩེགས་པའི་གནས་ན་བཞུགས་སོ། །དེ་ནས་བཅོམ་
D6.011.0247b04.01ལྡན་འདས་སྔ་དྲོ་ཤམ་ཐབས་དང་། ཆོས་གོས་མནབས་ལྷུང་བཟེད་བསྣམས་ཏེ། ཡངས་པ་ཅན་དུ་ཞབས་འབྲིང་བའི་དགེ་སྦྱོང་ཀུན་དགའ་བོ་དང་བསོད་སྙོམས་ལ་ཞུགས་སོ། །དེ་ནས་བཅོམ་ལྡན་འདས་བསོད་སྙོམས་ལ་གཤེགས་ནས་ཟས་ཀྱི་བྱ་བ་བྱས་ཏེ། ཟས་ཀྱི་བསོད་སྙོམས་
D6.011.0247b05.01ཕྱི་མ་སྤངས་ནས་ལྷུང་བཟེད་དང་ཆོས་གོས་བཞག་སྟེ་ཞབས་བཀྲུས་ནས་ཙ་པ་ལའི་མཆོད་རྟེན་གང་ན་བ་དེར་གཤེགས་ཏེ་ཕྱིན་ནས། ཤིང་གཞན་ཞིག་གི་དྲུང་དུ་ཉིན་པར་སྤྱོད་པའི་ཕྱིར་གནས་ཏེ་བཞུགས་སོ། །དེ་ནས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་
D6.011.0247b06.01བོ་ཡངས་པ་ཅན་དང་། བྲྀ་ཛིའི་ཕྱོགས་དང་། ཙ་པ་ལའི་མཆོད་རྟེན་དང་། ཤིང་ཨ་ཀྲ་བདུན་པོ་དང་། བུ་མང་པོ་དང་། གཽ་ཏ་མའི་ཤིང་ནྱ་གྲོ་དྷ་དང་། ཤིང་སཱ་ལ་གཉིས་པོ་དང་། བརྩོན་པ་གཏོང་བ་དང་། གྱད་རྣམས་ཀྱིས་ཅོད་པན་འཆིང་བའི་མཆོད་རྟེན་དང་། འཛམ་
D6.011.0247b07.01