完整藏文原文 · 德格版页 当前仅加载第 11 函德格 46a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་གང་ན་བཞུགས་པ་དེར་སོང་ལ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་བདག་གི་མཆིད་ནས་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། འཚོའམ། སྟོབས་དང་བདེ་བ་ལ་རེག་
D6.011.0046a01.01པར་གནས་སམ། ཁ་ན་མ་ཐོ་བ་མི་མངའའམ་ཞེས་སྙུན་གསོལ་ལ་འདི་སྐད་ཅེས་བཙུན་པ་མུ་སྟེགས་ཅན་དེ་རྣམས་ཚོགས་ཤིང་མཆིས་ལགས་ན། བཅོམ་ལྡན་འདས་ཀྱིས་དེའི་དུས་ལ་བབ་པར་དགོངས་སུ་གསོལ་ཞེས་ཀྱང་གསོལ་ཅིག །ལྷ་དེ་ལྟར་འཚལ་ལོ་ཞེས་བྲམ་ཟེའི་
D6.011.0046a02.01ཁྱེའུ་བླ་མ་ཀོ་ས་ལའི་རྒྱལ་པོ་གསལ་རྒྱལ་གྱི་ལྟར་མཉན་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་དང་ལྷན་ཅིག་ཕན་ཚུན་ཡང་དག་པར་དགའ་བ་དང་། ཡང་དག་པར་མགུ་བར་གྱུར་པའི་གཏམ་རྣམ་པ་སྣ་ཚོགས་བྱས་ཏེ་ཕྱོགས་གཅིག་ཏུ་འདུག་གོ །
D6.011.0046a03.01ཕྱོགས་གཅིག་ཏུ་འདུག་ནས་བྲམ་ཟེའི་ཁྱེའུ་བླ་མས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱཻ་གཽ་ཏ་མ་ཀོ་ས་ལའི་རྒྱལ་པོ་གསལ་རྒྱལ་གཽ་ཏ་མའི་ཞབས་ལ་ཕྱག་འཚལ་ནས་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། འཚོའམ། སྟོབས་དང་བདེ་བ་ལ་
D6.011.0046a04.01རེག་པར་གནས་སམ། ཁ་ན་མ་ཐོ་བ་མི་མངའ་འམ་ཞེས་སྙུན་གསོལ་ཞིང་མཆིས་ཞེས་གསོལ་པ་དང་། བྲམ་ཟེའི་ཁྱེའུ་བླ་མ་ཀོ་ས་ལའི་རྒྱལ་པོ་གསལ་རྒྱལ་དང་། ཁྱོད་བདེ་བར་གྱུར་ཅིག །ཀོ་ས་ལའི་རྒྱལ་པོ་གསལ་རྒྱལ་གྱི་མཆིད་ནས་ཀྱེ་གཽ་ཏ་མ་མུ་སྟེགས་ཅན་རྣམས་ཆོ་
D6.011.0046a05.01འཕྲུལ་ཆེན་པོའི་འདུན་ཁང་དུ་ལྷགས་ནས་འདུས་ཤིང་མཆིས་ན་བཅོམ་ལྡན་འདས་ཀྱིས་དེའི་དུས་ལ་བབ་པར་དགོངས་སུ་གསོལ་ཞེས་མཆིའོ། །བཅོམ་ལྡན་འདས་ཀྱིས་བླ་མ་སོང་ཤིག་ང་ཡང་འོང་ངོ་ཞེས་བཀའ་སྩལ་པ་དང་། བྲམ་ཟེའི་ཁྱེའུ་བླ་མ་སོང་ངོ་། །བཅོམ་ལྡན་འདས་
D6.011.0046a06.01ཀྱིས་ཇི་ལྟར་ངང་པའི་རྒྱལ་པོ་འདབ་མ་བརྐྱང་བ་དེ་ལྟར་བྱིན་གྱིས་བརླབས་ནས་ནམ་མཁའི་དཀྱིལ་དུ་འཕགས་ཏེ། སྲོག་ཆགས་བརྒྱ་སྟོང་དུ་མ་ངོ་མཚར་གྱི་མིག་ཕྱེ་ནས་ཨ་ལ་ལ་ཞེས་ཅ་ཅོ་དང་ག་ཞའི་སྒྲ་བཏོན་ཏེ་ལྟ་བཞིན་དུ་ནམ་མཁའ་ལས་ཆོ་འཕྲུལ་ཆེན་པོའི་འདུན་ཁང་དུ་གཤེགས་
D6.011.0046a07.01