完整藏文原文 · 德格版页 当前仅加载第 11 函德格 194a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་སྐྱེད་པར་བྱེད་དོ། །དེ་མའི་ནུ་མ་འཐུང་བ་ན་གལ་ཏེ་བག་མེད་པས་སོའམ་སེན་མོས་ནུ་མ་ལ་རེག་ན་སྐྲང་བར་འགྱུར་རོ། །དེ་ཆེན་པོར་གྱུར་ནས་གང་གི་ཚེ་ཁྱེའུ་དང་བུ་མོ་དག་དང་ལྷན་ཅིག་རྩེ་བ་དེའི་ཚེ་དེ་རྣམས་གལ་ཏེ་ཁྲོ་བའི་ཀུན་ནས་དཀྲིས་
D6.011.0194a01.01པ་ལ་གནས་པ་ན་སོའམ་སེན་མོས་བཏབ་ན་ཕྱོགས་དེ་རིང་པོ་མི་ཐོགས་པར་སྐྲང་བར་འགྱུར་རོ། །ཇི་ཙམ་ན་ཚེ་དང་ལྡན་པ་ཤཱ་རིའི་བུས་དེ་རབ་ཏུ་དབྱུང་བའི་དུས་ཤེས་ནས་ཁྱིམ་དེར་སོང་སྟེ། དེས་བྲམ་ཟེ་དེའི་ཆུང་མ་ལ་ཆོས་བཤད་དེ། ཁྱེའུ་འདི་ནི་བདག་གི་ཕྱི་
D6.011.0194a02.01བཞིན་འབྲང་བའི་དགེ་སྦྱོང་ཡིན་ནོ་ཞེས་མཚན་མ་ཞིག་བསྟན་པ་དང་། བྲམ་ཟེ་དེས་སྨྲས་པ། བུ་ཁྱོད་ནི་མ་སྐྱེས་པ་ནས་ངས་ཚེ་དང་ལྡན་པ་ཤཱ་རིའི་བུའི་ཕྱི་བཞིན་འབྲང་བའི་དགེ་སྦྱོང་དུ་ཕུལ་གྱིས་སོང་ཤིག །སྲིད་པ་ཐ་མ་པའི་སེམས་ཅན་དེ་ཚེ་དང་ལྡན་པ་ཤཱ་རིའི་
D6.011.0194a03.01བུའི་གདོང་དུ་རིང་ཞིག་བརྟགས་ནས་དེའི་རྗེས་བཞིན་རྗེས་བཞིན་དུ་འབྲངས་པ་དང་། དེའི་ཚེ་ཚེ་དང་ལྡན་པ་ཤཱ་རིའི་བུས་རབ་ཏུ་ཕྱུང་སྟེ་བསྙེན་པར་རྫོགས་པར་བྱས་སོ། །དེས་སོ་ཤིང་ཞིག་ཟོས་ཏེ་ལྕེ་བཞར་ནས་མ་བཀྲུས་པར་བཞག་པ་དང་། དེ་ལ་སྦྲང་མ་ཞིག་གིས་ཟོས་
D6.011.0194a04.01ཏེ་དེ་དུས་ལས་འདས་སོ། །དེ་ནས་སྲོག་ཆགས་ཁྱིམ་སྦྱོང་གིས་ཅུང་ཟད་ཟོས་པ་དང་དེ་ཡང་དུས་ལས་འདས་སོ། །དེ་ནས་ཡང་བྱ་སྣ་ཚོགས་ཀྱིས་ཟོས་པ་དང་དེ་ཡང་དུས་ལས་འདས་སོ། །དེ་ལ་བྱི་ལས་ཟོས་པ་དང་དེ་ཡང་དུས་ལས་འདས་སོ། །གང་སྦྲང་
D6.011.0194a05.01མ་ཞིག་དང་གྲོག་མ་མང་པོ་དག་གིས་ཟོས་ནས་དེ་དག་ཐམས་ཅད་ཀྱང་དུས་ལས་འདས་སོ། །དེ་བཞིན་དུ་ཇི་ལྟར་སྲོག་ཆགས་མང་པོ་དག་དུས་ལས་འདས་པ་དངར་ཞིང་འདུག་པ་དང་། ཅི་ཙམ་ན་ཕྱི་དེ་ཉིན་པར་དགེ་སློང་དག་ཕྱོགས་དེར་སོ་ཤིང་བཟའ་བར་བརྩམས་
D6.011.0194a06.01པ་དང་། དེ་དག་གིས་སྲོག་ཆགས་དུས་ལས་འདས་པ་དག་མཐོང་ནས། དེ་ལ་གཅིག་གིས་སྨྲས་པ། ཚེ་དང་ལྡན་པ་དག་སྲོག་ཆགས་མང་པོ་འདི་དག་ཅིའི་ཕྱིར་དུས་ལས་འདས། གཞན་དག་གིས་སྨྲས་པ། མི་ཤེས་སོ་ཞེས་དེ་དག་དེ་བཞིན་དུ་དཔྱོད་པ་
D6.011.0194a07.01