完整藏文原文 · 德格版页 当前仅加载第 11 函德格 95a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་ཀྱིས་བལ་གླང་མོ་དེ་བདེན་པའི་ཚིག་གིས་ཟུག་རྔུ་ལས་བྲལ་བར་བྱས་པ་བདེན་ནམ་ཞེས་སྨྲས་པ་དང་། ལྷ་མད་དོ། །རྒྱལ་པོས་གང་འདི་འདྲ་བར་གྱུར་པའི་བུ་མོ་ཡང་འདི་འདྲ་བར་འགྱུར་རོ། །དེ་སྟེ་འདི་ལ་བུ་མོ་ཞིག་ཡོད་ན་དེ་ཆུང་མར་བླང་གིས་སྐད་
D6.011.0095a01.01ཅིག་འདྲིའོ་སྙམ་བསམས་ནས་ཁྱོད་ལ་བུ་མོ་ཡོད་དམ་ཞེས་སྨྲས་པ་དང་ལྷ་མཆིས་སོ། །མིང་ཅི། ལྷ་མིང་ནི་ཤོ་ཤུམ་པའོ། །མ་མ་སུ་ལ་བྱིན་ནམ་མ་བྱིན། ལྷ་སུ་ལ་ཡང་མ་སྩལ་ཏོ། །མ་མ་དེ་སྟེ་དེ་ལྟར་ན་ང་ལ་ཕུལ་ཅིག་ཆུང་མར་བླང་ངོ་། །ལྷ་གསོལ་ལོ། །དེ་དེས་བྱིན་པ་དང་།
D6.011.0095a02.01རྒྱལ་པོས་དཔལ་ཆེན་པོའི་ཚོགས་དང་སྦྱར་ཏེ་བག་མར་བླངས་སོ། །རྒྱལ་པོས་དེ་སྟེ་འདི་བཙུན་མོ་དག་གི་འཁོར་འདིར་བཞག་ན་ནི་ཚུལ་ཁྲིམས་ངན་པ་ཅན་དུ་གདོན་མི་ཟ་བར་འགྱུར་རོ་སྙམ་དུ་བསམས་ནས་དེས་བྱའི་རྒྱལ་པོ་གཤོག་{བཟངས་,བཟང་}ལ་ཇི་ལྟར་གྱུར་པ་སྨྲས་ནས་ཁྱོད་ཀྱིས་འདི་ཉིན་
D6.011.0095a03.01པར་ནི་ཀ་ཤེ་རུའི་གླིང་དུ་ཁྲིད་ལ་མཚན་མོ་ཁྲིད་དེ་ཤོག་ཤིག་ཅེས་བསྒོའོ། །དེ་ན་རེ་ལེགས་ཀྱིས་དེ་བཞིན་བགྱིའོ་ཞེས་སྨྲས་ཏེ། དེས་བྱ་གཤོག་{བཟངས་,བཟང་}ལ་བསྐྲིས་ནས། འདི་ལྟར་ཕར་ཁྲིད་ལ་ཚུར་ཁྲིད་དེ་ཤོག་ཤིག །དེས་ཉིན་པར་ནི་ཀ་ཤེ་རུའི་གླིང་དུ་ཁྲིད། མཚན་མོ་ནི་འཁོར་མོ་
D6.011.0095a04.01འཇིག་ཏུ་ཁྲིད་ཅིང་འོང་ངོ་། །ཀ་ཤེ་རུའི་གླིང་ན་མེ་ཏོག་ཏི་མ་རི་ཞེས་བྱ་བ་དྲི་ཞིམ་པོ་ཞིག་ཡོད་དེ་ཕྲེང་བ་བརྒྱུས་ཏེ་རྒྱལ་པོ་ཚངས་བྱིན་ལ་ཉིན་གཅིག་བཞིན་དུ་བསྐུར་རོ། །འཁོར་མོ་འཇིག་ན་བྲམ་ཟེའི་ཁྱེའུ་གཞན་ཞིག་གནས་ཏེ་དུས་ཕྱི་ཞིག་ན་ཡམ་ཤིང་གི་ཕྱིར་ནགས་སུ་སོང་བ་དང་། དེ་དེར་མི་
D6.011.0095a05.01འམ་ཅི་མོ་ཞིག་གིས་མཐོང་ནས་དེས་བྲག་ཕུག་ཏུ་བཅུག་སྟེ་བཞག་གོ། །མོ་དེ་དང་ལྷན་ཏུ་རྩེ་དགའ་ཡོངས་སུ་སྤྱོད་དོ། །ནམ་མོ་མེ་ཏོག་དང་འབྲས་བུའི་ཕྱིར་འགྲོ་བ་དེ་ན་བྲག་ཕུག་གི་སྒོ་བྲམ་ཟེའི་ཁྱེའུས་བསྐྱོད་མི་ནུས་པའི་རྡོ་ལེབ་ཆེན་པོས་འགེབས་སོ། །ཇི་ཙམ་ན་དེ་ལ་བྲམ་ཟེའི་ཁྱེའུ་དེའི་བུ་
D6.011.0095a06.01ཞིག་བཙས་ནས་དེ་གར་འགྲོ་ཡང་མྱུར་དུ་འགྲོ་བས་ན་དེའི་མིང་མྱུར་འགྲོར་བཏགས་སོ། །བྲམ་ཟེའི་ཁྱེའུ་དེས་དེའི་མདུན་ན་རྟག་ཏུ་ཡུལ་འཁོར་མོ་འཇིག་གི་ཡོན་ཏན་བརྗོད་དེ། བུ་འཁོར་མོ་འཇིག་གི་གྲོང་ཁྱེར་ན་ཡོན་ཏན་འདི་དག་དང་འདི་ལྟ་བུ་ཡོད་དོ་ཞེས་བརྗོད་པ་དང་། དེས་ཕ་ཁྱོད་ཡུལ་
D6.011.0095a07.01