完整藏文原文 · 德格版页 当前仅加载第 11 函德格 15b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་རྒྱལ་པོ་རབ་སྣང་གིས་ཚེ་དང་ལྡན་པ་ཀ་ཏྱའི་བུ་ཆེན་པོ་ལ་འདི་སྐད་ཅེས་སྨྲས་སོ། །འཕགས་པ་སྨན་འདོགས་ཤིང་གཅེས་སྤྲས་མཛད་པ་ལགས་ཏེ། དེའི་སླད་དུ་བདག་འཕགས་པ་ལ་རྒྱལ་སྲིད་སྟོབས་ན་ཐུགས་
D6.011.0015b01.01བརྩེ་བ་ཉེ་བར་བཟུང་སྟེ་རྒྱལ་སྲིད་བཞེས་སུ་གསོལ། ཚེ་དང་ལྡན་པ་ཀ་ཏྱའི་བུ་ཆེན་པོས་སྨྲས་པ། རྒྱལ་པོ་ཆེན་པོ་བཅོམ་ལྡན་འདས་ཀྱིས་དགེ་སློང་ལ་རྒྱལ་སྲིད་བྱེད་པ་བཀག་གོ། །རྒྱལ་པོས་སྨྲས་པ། འཕགས་པ་གལ་ཏེ་དེ་ལྟར་ན་འདོད་པ་ཐམས་ཅད་སྟོབས་ན། འདོད་པ་
D6.011.0015b02.01ཐམས་ཅད་ཡོངས་སུ་སྤྱད་དུ་གསོལ། དེས་སྨྲས་པ། རྒྱལ་པོ་ཆེན་པོ་བཅོམ་ལྡན་འདས་ཀྱིས་འདོད་པ་ཐམས་ཅད་ཀྱང་བཀག་གོ། །རྒྱལ་པོས་སྨྲས་པ། འཕགས་པ་གལ་ཏེ་དེ་ལྟ་ན་ལོངས་སྤྱོད་དང་། ལོངས་སྤྱོད་ཀྱི་མཆོག་རྣམས་སྟོབས་ན་ཡོངས་སུ་སྤྱད་དུ་གསོལ།
D6.011.0015b03.01དེས་སྨྲས་པ། རྒྱལ་པོ་ཆེན་པོ་རེ་ཞིག་བཅོམ་ལྡན་འདས་ལ་ཞུས་ཏེ་བྱའོ། །རྒྱལ་པོས་སྨྲས་པ། འཕགས་པ་དེ་ལྟར་མཛོད་ཅིག་དེའི་ཚེ་ན་བཅོམ་ལྡན་འདས་ནི་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །སྐབས་དེ་ལྟ་བུ་ལ་
D6.011.0015b04.01སངས་རྒྱས་བཅོམ་ལྡན་འདས་རྣམས་ལ་མི་མཁྱེན་པ་དང་། མི་གཟིགས་པ་དང་། མི་རིག་པ་དང་། རྣམ་པར་མི་རིག་པ་ཅུང་ཟད་ཀྱང་མི་མངའ་སྟེ། བཅོམ་ལྡན་འདས་ཀྱིས་དགོངས་པ། དགེ་སློང་ཀ་ཏྱའི་བུ་ཆེན་པོ་ལོངས་སྤྱོད་དང་ལོངས་སྤྱོད་ཀྱི་མཆོག་རྣམས་དོན་དུ་གཉེར་བ་མ་
D6.011.0015b05.01ཡིན་མོད་ཀྱི་འོན་ཀྱང་སྐྱེ་བོ་ཕྱི་མ་རྣམས་ལ་ཕན་གདགས་སོ་སྙམ་དུ་དགོངས་ནས་འཇིག་རྟེན་པའི་ཐུགས་བསྐྱེད་པ་མཛད་དོ། །ཆོས་ཉིད་ཀྱིས་གང་གི་ཚེ་སངས་རྒྱས་བཅོམ་ལྡན་འདས་རྣམས་ཀྱིས་འཇིག་རྟེན་པའི་ཐུགས་བསྐྱེད་པ་དེའི་ཚེ། སྲོག་ཆགས་གྲོག་སྤུར་རྣམས་ཀྱིས་ཀྱང་བཅོམ་
D6.011.0015b06.01ལྡན་འདས་ཀྱི་ཐུགས་སེམས་ཀྱིས་ཤེས་སོ། །གང་གི་ཚེ་འཇིག་རྟེན་ལས་འདས་པའི་ཐུགས་བསྐྱེད་པ་དེའི་ཚེ་ནི་ཉན་ཐོས་དང་། རང་སངས་རྒྱས་རྣམས་ཀྱིས་ཀྱང་བཅོམ་ལྡན་འདས་ཀྱི་ཐུགས་སེམས་ཀྱིས་མི་ཤེས་ན། བྱོལ་སོང་གི་སྐྱེ་གནས་སུ་སོང་བ་རྣམས་ཀྱིས་ལྟ་སྨོས་ཀྱང་
D6.011.0015b07.01