完整藏文原文 · 德格版页 当前仅加载第 11 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
འོངས་ཏེ་ཁྱོད་རྒྱལ་པོ་ལས་ཕྱུང་ལ་ངའི་ཚ་བོ་གཞུག་གོ་ཞེས་ཟེར་རོ། །དེ་ནས་བློན་པོ་རྣམས་ཀྱིས་སྨྲས་པ། ལྷ་རྒྱལ་སྲིད་ལ་མངོན་པར་དགའ་བ་རྒྱལ་ཚབ་ཀྱི་ཐབས་སྩལ་ལ། གཞོན་ནུ་བཟའ་བཏུང་འདི་དགུམ་པར་བགྱིའོ། །དེ་ནས་རྒྱལ་པོ་སྐྱེད་པས་བློན་
D6.011.0056a01.01པོ་རྣམས་ལ་སྨྲས་པ། ཆོས་དང་མི་ལྡན་པའི་ཚིག་དེ་ལྟ་བུ་མ་སྨྲ་ཤིག །འདི་ལྟར་འདི་ན་བུ་ཕ་གསོད་པ་ཐོས་ཀྱི་ཕ་བུ་གསོད་པ་ནི་མ་ཡིན་པས་ང་ནི་དེ་ལྟར་གཏན་མི་བྱེད་དོ། །དེ་དག་གིས་སྨྲས་པ། ཇི་སྟེ་མི་དགུམ་ན་ཡང་ཡན་ལག་མ་མཆིས་པར་བགྱིའོ། །དེ་ནས་རྒྱལ་
D6.011.0056a02.01པོ་སྐྱེད་པས་བློན་པོ་རྣམས་ལ་སྨྲས་པ། གལ་ཏེ་ཡན་ལག་མེད་པར་བྱས་ན་བསད་པ་ཁོ་ནར་ཟད་མོད། དེ་ནས་བློན་པོ་རྣམས་ཀྱིས་རྒྱལ་པོ་སྐྱེད་པའི་ཚིག་ཐོས་ནས་རྒྱལ་པོ་ལ་སྨྲས་པ། ལྷ་འདི་ལ་གཞན་བགྱིར་ཅི་མཆིས། བསྐྲད་པར་བགྱིའོ། །རྒྱལ་པོས་སྨྲས་པ། ཉེས་
D6.011.0056a03.01པ་མེད་པ་ཇི་ལྟར་བསྐྲད་པར་བྱ། བློན་པོ་རྣམས་ཀྱིས་སྨྲས་པ། ཅིའི་སླད་དུའང་མི་བསྡོ་རིང་པོ་མི་ཐོགས་པར་གཞོན་ནུ་ལ་ནོངས་པ་འབྱུང་བར་རྔོ་ཐོག་གིས་རེ་ཞིག་རྒྱལ་སྲིད་ལ་མངོན་པར་དགའ་བ་ལ་ཐབས་སྩོལ་ཅིག །དེ་ནས་ནི་གཞོན་ནུ་བཟའ་བཏུང་རང་ཉིད་ཀྱིས་འཚལ་བར་
D6.011.0056a04.01འགྱུར་རོ། །དེ་ནས་རྒྱལ་པོ་སྐྱེད་པས་དབང་ཐང་གི་ཉི་མ་ཤིས་པ་ལ་བཀྲ་ཤིས་དང་ཤིས་པར་བརྗོད་པ་བྱས་ནས་རྒྱལ་སྲིད་ལ་མངོན་པར་དགའ་བ་རྒྱལ་ཚབ་ཀྱི་ཐབས་བྱིན་ནོ། །དེ་ཐབས་བྱིན་པར་གཞོན་ནུ་བཟའ་བཏུང་གིས་ཐོས་ནས་བསམས་པ། ལྷས་ནི་བདག་སྤངས་པར་གྱུར་ཀྱིས་
D6.011.0056a05.01ད་བདག་འདིར་འདུག་ཀྱང་ཅི་ཞིག་རུང་སྟེ། བདག་བསད་པར་འོང་ངོ་སྙམ་ནས་དེ་མའི་ཐད་དུ་སོང་སྟེ་མི་བདེ་བའི་ལོ་རྒྱུས་བཤད་ནས་སྨྲས་པ། བདག་རྒྱལ་པོ་ལྔ་ལེན་གྱི་ཡུལ་དུ་མཆིས་མཁྱེན་པར་མཛོད་ཅིག །དེ་ནས་དེ་ཡང་སྡུག་བསྔལ་རྣམ་པ་སྣ་ཚོགས་ཀྱིས་ནི་མྱོས། བུ་དང་
D6.011.0056a06.01བྲལ་བའི་སྡུག་བསྔལ་དང་ནི་ལྡན། བུའི་མགུལ་ནས་ནི་འཁྱུད་དེ་སྙིང་རྗེ་རྗེ་སྐད་སྨྲེ་སྔགས་བཏོན་ཏེ། སྨྲས་པ། དུ་གུལ་རས་ཀྱི་གདིང་བས་མཛེས་བྱས་པའི། །མལ་སྟན་ཆེ་ལ་འོས་པར་བདེར་ཉལ་བ། །བུ་གཅིག་ད་ནི་ས་སྟེང་ཐང་བུ་ལ། །གོས་ཀྱིས་ཕྱོགས་གཅིག་བཏིང་ནས་
D6.011.0056a07.01