完整藏文原文 · 德格版页 当前仅加载第 11 函德格 78a 版页；藏文 NFD、目录标记与异常页序保留在来源切片中，重复版页行以稳定序号区分。
ལེན་གྱི་རྒྱལ་པོས་བསྡོགས་པ་འདི་ལས་མ་འཕྱི་བར་ཤོག་ཤིག་ཅེས་ཕོ་ཉ་བཏང་ངོ་། །དེ་ནས་དེ་ཐོས་པ་དང་། སྨན་ཆེན་པོས་རྒྱལ་པོ་སྐྱེད་པ་ལ་སྨྲས་པ། ལྷ་རེ་ཞིག་འཕྲལ་དུ་བགྱིར་མི་རུང་སྟེ། དེ་ཅིའི་སླད་དུ་ཞེ་ན། དེ་ནི་གང་གི་ཕྱིར་ལྷའི་མཚམས་ལས་གཞན་
D6.011.0078a01.01པའི་རྒྱལ་པོ་སྟེ། དེ་དང་རྟག་ཏུ་རྩོད་ཅིང་འདིས་རྒྱུན་དུ་མི་མཐུན་པ་ལྷན་ཅིག་ཏུ་བགྱིས་པས་བརྟག་པར་བགྱིའོ། །རྒྱལ་པོས་སྨྲས་པ། སུ་རྟོག་ཏུ་བཏང་། དེས་སྨྲས་པ། རྒྱལ་པོ་བདེ་བར་བཞུགས་ཤིག །བདག་ལ་ནེ་ཙོ་སྤྱོད་གསལ་ཞེས་བགྱི་བ་མཁས་པ། གསལ་བ།
D6.011.0078a02.01ཡིད་གཞུངས་པ་དེ་དེར་བཏང་ལ་དེས་ཐམས་ཅད་ལ་གཏམ་བགྱིས་ནས་སླར་མཆི་བར་བགྱིའོ། །དེ་བཞིན་གྱིས་ཤིག །དེ་དེར་སོང་ནས་བསམས་པ། སུ་ལ་བཅར་ཏེ་གང་གིས་ན་ལྷན་ཅིག་འགྲོགས་ཤིང་གཏམ་བྱ། དེས་ཀུན་ཏུ་བལྟས་ན་ཅུང་ཟད་ཀྱང་མ་མཐོང་ངོ་། །འཇིག་རྟེན་གྱི་
D6.011.0078a03.01ཐ་སྙད་གང་གིས་བྱ་བསམ་མོ། །ཇི་ཙམ་ན་རྒྱལ་པོའི་ཕོ་བྲང་དུ་ཞུགས་ཏེ་དེར་བལྟས་ན་གདུང་གི་བར་ན་རི་སྐེགས་ཞིག་འདུག་པ་མཐོང་སྟེ། དེ་དེར་སོང་ནས་ཀྱང་དེ་གཉིས་ཕན་ཚུན་གཅིག་ལ་གཅིག་དགའ་བས་ཡང་དག་པར་མགུ་བར་བྱས་ནས་གང་ནས་འོངས་ཞེས་དྲིས་སོ། །
D6.011.0078a04.01ནེ་ཙོས་སྨྲས་པ། བྱང་ཕྱོགས་ཀྱི་རྒྱལ་པོ་ཤི་བི་ཞེས་བྱ་བ་དེ་ནས་ཁོ་བོ་འོངས་སོ། །ཁོ་བོ་སྐྱེད་མོས་ཚལ་སྲུང་སྟེ། དེ་ལ་ཁོ་བོའི་ཆུང་མ་དམ་པ་གཟུགས་བཟང་བ་མཛངས་ཤིང་རྗེས་སུ་མཐུན་པ་ཡིད་དུ་འོང་བ་སྨྲ་བ་རི་སྐེགས་མོ་ཞིག་ཡོད་པ་ལས་རི་སྐགས་དེ་ཡང་གཞན་
D6.011.0078a05.01དུ་སོང་བ་ལས་ཁྲས་ཁྱེར་ཏེ། དེས་ན་ཁོ་བོ་མྱ་ངན་གྱིས་སེམས་གདུངས་ཤིང་ཕན་ཚུན་འཁྱམ་པ་ལས་ཁྱོད་ཀྱི་དྲུང་དུ་ཕྱིན་ནོ། །བཟང་མོ་ཁྱོད་ཁོ་བོའི་ཆུང་མར་མི་རུང་ངམ། དེས་སྨྲས་པ། ཇི་ལྟར་ན་ནེ་ཙོའི་ཆུང་མ་རི་སྐེགས་ཡིན་ཞེས་མ་ཐོས་མ་མཐོང་སྟེ། དེ་ལྟ་མོད་ཀྱི་ནེ་
D6.011.0078a06.01ཙོའི་ཆུང་མ་ནི་ནེ་ཙོ་ཉིད་ཡིན་ནོ་ཞེས་ཐོས་སོ། །དེ་ནས་སྤྱོད་གསལ་གྱིས་གཞན་དག་ཕན་ཚུན་འོང་ཞིང་འགྲོ་བའི་རྣམ་གྲངས་ཀྱི་རྣམ་པས་ཉེ་བར་བསྙེན་ཏོ། །ཡང་སྨྲས་པ། བཟང་མོ་བདག་ནི་ཤི་བིའི་རྒྱལ། །སྐྱེད་མོས་སྲུང་བར་གྱུར་པ་སྟེ། །ཁོ་བོའི་ཆུང་མ་རི་སྐེགས་ནི། །འཇམ་
D6.011.0078a07.01