完整藏文原文 · 德格版页 当前仅加载第 11 函德格 106b 版页；藏文 NFD、目录标记与异常页序保留在来源切片中，重复版页行以稳定序号区分。
པར་རྫོགས་པའི་སངས་རྒྱས་ཤཱཀྱ་ཐུབ་པ་ཤཱཀྱ་སེང་གེ་ཤཱཀྱའི་རྒྱལ་པོ་གཙོ་བོ་དེ་རབ་ཏུ་བྱུང་བའི་རྗེས་སུ་བདག་རབ་ཏུ་བྱུང་སྟེ་ཁྱིམ་པའི་རྟགས་སྤང་ངོ་། །རབ་ཏུ་བྱུང་བའི་རྟགས་ཡང་དག་པར་ལེན་ཏོ། །དེ་བཞིན་དུ་ལན་གཉིས་ལན་གསུམ་བཟླས། མཁན་མོས་ཐབས་ཡིན་ནོ་ཞེས་བརྗོད་
D6.011.0106b01.01པར་བྱའོ། །རབ་ཏུ་བྱུང་མས་ལེགས་སོ་ཞེས་བརྗོད་པར་བྱའོ། །དེ་ནས་མཁན་མོས་དགེ་ཚུལ་མའི་བསླབ་པའི་གཞི་འབོགས་པའི་དགེ་སློང་མ་གསོལ་ཅིག །གང་ལ་གསོལ་བ་དེས་སྟོན་པ་ལ་ཕྱག་འཚལ་དུ་ཆུག་ལ་མདུན་དུ་ཙོག་པུར་ཞོག་སྟེ་ཐལ་མོ་སྦྱོར་དུ་ཆུག་ལ་སྐྱབས་སུ་འགྲོ་བ་དང་དགེ་
D6.011.0106b02.01ཚུལ་མའི་བསླབ་པའི་གཞི་རྣམས་ཕོག་ཤིག །འཕགས་མ་དགོངས་ཤིག །བདག་མིང་འདི་ཞེས་བགྱི་བ་ནམ་འཚོའི་བར་དུ། རྐང་གཉིས་ཀྱི་ནང་ན་གཙོ་བོ་སངས་རྒྱས་ལ་སྐྱབས་སུ་མཆིའོ། །འདོད་ཆགས་དང་བྲལ་བའི་ནང་ན་དམ་པའི་ཆོས་ལ་སྐྱབས་སུ་མཆིའོ། །མང་པོའི་ནང་ན་མཆོག་
D6.011.0106b03.01དགེ་འདུན་ལ་སྐྱབས་སུ་མཆིའོ། །བདག་ཇི་སྲིད་འཚོའི་བར་དུ་དགེ་ཚུལ་མར་འཕགས་མས་གཟུང་དུ་གསོལ། དེ་བཞིན་དུ་ལན་གཉིས་ལན་གསུམ་དུ་བཟླས། ཚིག་གསུམ་པ་ལ་སློབ་དཔོན་མས་ཞེས་བརྗོད་པར་བྱའོ། །སློབ་དཔོན་མས་ཐབས་ཡིན་ནོ་ཞེས་བརྗོད་པར་བྱའོ། །དགེ་ཚུལ་
D6.011.0106b04.01མས་ལེགས་སོ་ཞེས་བརྗོད་པར་བྱའོ། །དེའི་རྗེས་ལ་དགེ་སློང་མ་ཞིག་གིས་གྲིབ་ཚོད་གཞལ་བར་བྱ་ཞིང་། སྐྱེས་བུ་དང་རྩ་བ་དང་ཉིན་མཚན་གྱི་ཆ་དང་དུས་ཚོད་ཀྱང་བརྗོད་པར་བྱའོ། །དེ་ནས་བསླབ་པའི་གཞི་བཅུ་བྱིན་ཅིག །འཕགས་མ་དགོངས་ཤིག །ཇི་ལྟར་འཕགས་པ་དགྲ་བཅོམ་
D6.011.0106b05.01པ་དེ་དག་གིས་ནམ་འཚོའི་བར་དུ་སྲོག་གཅོད་པ་སྤངས་ཏེ་སྲོག་གཅོད་པ་ལས་སླར་ལོག་པ་དེ་བཞིན་དུ་བདག་མིང་འདི་ཞེས་བགྱི་བས་ཀྱང་དེང་གི་དུས་འདི་ནས་བཟུང་སྟེ་ནམ་འཚོའི་བར་དུ་སྲོག་གཅོད་པ་སྤངས་ཏེ་སྲོག་གཅོད་པ་ལས་སླར་ལྡོག་གོ། །བདག་ཡན་ལག་དང་པོ་འདིས་ཇི་ལྟར་འཕགས་
D6.011.0106b06.01པ་དགྲ་བཅོམ་པ་དེ་དག་གིས་བསླབ་པའི་རྗེས་སུ་སློབ་པོ། །རྗེས་སུ་སྒྲུབ་པོ། །རྗེས་སུ་བགྱིད་དོ། །གཞན་ཡང་ཇི་ལྟར་འཕགས་པ་དགྲ་བཅོམ་པ་དེ་དག་གིས་ནམ་འཚོའི་བར་དུ་མ་བྱིན་པར་ལེན་པ་དང་། མི་ཚངས་པར་སྤྱོད་པ་དང་། {བརྫུན་,རྫུན་}དུ་སྨྲ་བ་དང་། འབྲུའི་ཆང་དང་། འབྲས་བུའི་ཆང་
D6.011.0106b07.01