完整藏文原文 · 德格版页 当前仅加载第 11 函德格 201a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་མཆིལ་ལྷམ་དང་བཅས་པས་འཆག་ཅིང་གློ་བུར་དུ་གཏམ་གླེང་བར་བྱེད་ལ། གཏམ་དེ་མཐར་ཕྱིན་པར་མི་སྡོད་པར་མ་གུས་པས་སྙེམས་ཤིང་སླར་བཟློག་པར་སེམས་པ་ལྟ་བུའོ། །ཀྱེ་གཽ་ཏ་མ་བྲམ་ཟེ་འགྲོ་བ་རྣམས་ནི། འགྲོ་བ་རྣམས་
D6.011.0201a01.01དང་ལྷན་ཅིག །འགྲེང་བ་རྣམས་ནི། འགྲེང་བ་རྣམས་དང་། འདུག་པ་རྣམས་ནི། འདུག་པ་རྣམས་དང་། ཉལ་བ་རྣམས་ནི། ཉལ་བ་རྣམས་དང་། ཕན་ཚུན་ལེགས་པར་སྨྲའི། དགེ་སྦྱོང་མགོ་རེག་ནག་པོའི་རྩ་ལག་ཕོ་རེང་གང་དག་དང་ནི་ཁོ་
D6.011.0201a02.01བོ་ལྷན་ཅིག་ཏུ་འདི་ལྟ་བུའི་གློ་བུར་གྱི་གཏམ་གླེང་དུ་རུང་སྟེ། དཔེར་ན་ད་ལྟར་ཤེས་ལྡན་གཽ་ཏ་མ་དང་གླེང་བ་བཞིན་ནོ། །བྲམ་ཟེའི་ཁྱེའུ་ཁྱོད་དོན་དུ་གཉེར་བ་ལ་ཞུགས་ནས། འདིར་འོངས་ན། དེ་ལྟ་བུ་ནི་བསྙེན་བཀུར་མ་བྱས་པ་ལས། གཞན་ལ་
D6.011.0201a03.01མེད་པས་བྲམ་ཟེའི་ཁྱེའུ་མ་སྡུག་ནི་བླ་མའི་ཚོགས་ལས་བསྙེན་བཀུར་མ་བྱས་པ་ཞིག་ཡིན་པ་ལྟ། དེ་ནས་བཅོམ་ལྡན་འདས་ཀྱིས། བྲམ་ཟེའི་ཁྱེའུ་མ་སྡུག་ལ་བཀུར་སྟི་མེད་པའི་ཚིག་གིས་སྤྱོས་པ་ན་ཁྲོས། འཁྲུགས། རྔམ་ཞིང་ཡིད་མ་རངས་ནས། བཅོམ་ལྡན་
D6.011.0201a04.01འདས་ལ་ཁ་བྱ་བར་འདོད། སྤོབས་པར་འདོད། བརྩད་པར་འདོད། དྲན་པར་བྱ་བར་འདོད་དེ། འདི་ཙམ་གྱིས་དགེ་སྦྱོང་གཽ་ཏ་མ་ལ་ཁ་བྱ་བ་དང་། སྤོབས་པ་དང་། བརྩད་པ་དང་། དྲན་པར་བྱས་པར་འགྱུར་རོ། །སྙམ་དུ་རིག་ནས་བཅོམ་ལྡན་འདས་
D6.011.0201a05.01ལ་འདི་སྐད་ཅེས་གསོལ་ཏོ། །འདི་ལྟར་ཀྱེ་གཽ་ཏ་མ་ཤཱཀྱ་འདི་དག་ནི་ད་བྱུང་ཁོ་ན་ཡིན་ཏེ། ད་བྱུང་གི་རིགས་ཡིན་པས་བྲམ་ཟེ་རྣམས་ལ་བླ་མ་དང་། རི་མོ་དང་། ཞེ་ས་དང་མཆོད་པ་མི་བྱེད་དོ། །ཅི་བྲམ་ཟེའི་བུ་ཁྱོད་ལ་ཤཱཀྱ་རྣམས་ཀྱིས་གནོད་པ་{ཆུང་ཟད་,ཅུང་ཟད་}བྱས་སམ། ཀྱེ་གཽ་ཏ་
D6.011.0201a06.01མ་དུས་གཅིག་ཅིག་ན་བདག་ཉིད་དང་མཁན་པོ་བྱ་བ་ཞིག་ལ་གྲོང་ཁྱེར་སེར་སྐྱའི་གཞིར་ཕྱིན་པ་ན། བདག་ལ་ཤཱཀྱ་རྣམས་དང་ཤཱཀྱའི་བུ་མོ་རྣམས་ཁང་{བཟངས་ཀྱི་,བཟང་གི་}སྟེང་དུ་སོང་ནས་མཛུབ་ཀེར་གྱིས་སྟོན་པར་བྱེད་དེ། བྲམ་ཟེ་པད་མའི་སྙིང་པོའི་སློབ་མ་བྲམ་ཟེའི་
D6.011.0201a07.01