完整藏文原文 · 德格版页 当前仅加载第 11 函德格 152b 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱ་དེ་དག་གིས་ཀྱང་བླ་མའི་ཆོས་ཁས་བླངས་པས་རབ་ཏུ་བྱུང་ཞིང་བསྙེན་པར་རྫོགས་ནས་དགེ་སློང་མའི་དངོས་པོར་གྱུར་ལགས་སམ། ཨུ་པཱ་ལི་དགེ་སློང་མ་ལྔ་བརྒྱ་དེ་དག་ཀྱང་བླ་མའི་ཆོས་ཁས་བླངས་པས་རབ་ཏུ་བྱུང་ཞིང་བསྙེན་པར་རྫོགས་ནས་དགེ་སློང་མའི་དངོས་པོར་གྱུར་ཏོ།། །།
D6.011.0152b01.01མདོར་ན། ཇི་ལྟར་མཚན་གཉིས་པ་དང་ཡང་། །དེ་བཞིན་གླེ་ཡང་འདམས་གྱུར་པ། །རྟག་ཏུ་ཁྲག་རབ་ཟག་པ་དང་། །ཐ་མ་ཡི་ནི་ཁྲག་མེད་པའོ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། མཉན་དུ་
D6.011.0152b02.01ཡོད་པ་ན་དགེ་སློང་མ་གཞན་ཞིག་གིས་མཚན་གཉིས་པ་ཞིག་རབ་ཏུ་ཕྱུང་བ་དང་། དེས་དགེ་སློང་མ་དག་ལ་མཚན་མ་བསྟན་ནས་དགེ་སློང་མ་དག་གིས་དེ་ལ་ནུ་མོ་ཁྱོད་ཇི་ལྟ་བུ་ཞེས་དྲིས་ནས་དེས་སྨྲས་པ། ཆེ་ཞེ་མཚན་གཉིས་མའོ། །དེ་ལྟར་གྱུར་པ་དགེ་སློང་མ་དག་གིས་དགེ་སློང་དག་
D6.011.0152b03.01ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་མཚན་གཉིས་པ་ནི་མ་ནིང་ཡིན་གྱིས་དགེ་སློང་ཁྱེད་ཀྱིས་མཚན་གཉིས་པ་དེ་སྐྲོད་ཅིག །དགེ་སློང་མཚན་གཉིས་པ་ལ་ནི་ཆོས་འདུལ་བ་འདི་ལ་རབ་ཏུ་
D6.011.0152b04.01སྐྱེ་བའི་ཆོས་ཅན་དུ་མི་འགྱུར་རོ། །དེ་ལྟ་བས་ན་གང་སུ་ཞིག་རབ་ཏུ་བྱུང་བར་འདོད་དེ་དེ་འོངས་ན་དེ་ལ་དེ་དག་གིས་ཁྱོད་མཚན་གཉིས་པ་མ་ཡིན་ནམ་ཞེས་དྲིས་ཤིག །མ་དྲིས་པར་རབ་ཏུ་ཕྱུང་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། མཉན་
D6.011.0152b05.01དུ་ཡོད་པ་ན་དགེ་སློང་མ་གཞན་ཞིག་གིས་གླེ་འདམས་མ་ཞིག་རབ་ཏུ་བྱུང་ནས། དེ་ཆབ་ཁུང་སར་སོང་སྟེ་གཅིས་པ་དང་། དེ་ཡང་བཤང་གཅི་གཉིས་ཀ་ཕྱུང་སྟེ་དེ་སླར་ཕྱུང་བ་དང་། དགེ་སློང་མ་གཞན་ཞིག་དེར་ཞུགས་པ་དང་། ཆབ་ཁུང་ས་བཤང་བས་མ་རུང་བར་གྱུར་པ་དེས་
D6.011.0152b06.01མཐོང་ནས་དེས་ནུ་མོ་ཆབ་ཁུང་ས་འདི་བཤང་བས་མ་རུང་བར་སུས་བྱས་ཞེས་དྲིས་པ་དང་། དེས་ཆེ་ཞེ་བདག་གིས་བག་མ་མཆིས་པས་མ་རུང་བར་བགྱིས་སོ་ཞེས་སྨྲས་པ་དང་། དེས་ནུ་མོ་ཁྱོད་ཀྱིས་བག་མེད་ཅི་ཞིག་བྱས་ཞེས་དྲིས་པ་དང་། དེས་སྨྲས་པ། ཆེ་ཞེ་བདག་ནི་
D6.011.0152b07.01