完整藏文原文 · 德格版页 当前仅加载第 11 函德格 69a 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་ཡན་ལག་བཞིའི་སྟོབས་མང་པོ་དང་ལྷན་ཅིག་བཀྱེ་ཡང་དེ་དག་གིས་གྲོང་དང་རི་བྲགས་ཀྱི་གྲོང་གཅིག་ལ་ཡང་དབང་བྱེད་པར་མ་ནུས་སོ། །དེ་ནས་རྒྱལ་པོ་ལ་ལྷ་ཉིད་མ་བྱོན་ན་འདི་དག་དབང་དུ་བགྱིར་མི་ནུས་སོ་ཞེས་ཕོ་ཉ་བཏང་བ་དང་། དེ་ནས་རྒྱལ་པོ་ཉིད་འོངས་
D6.011.0069a01.01ཀྱང་རི་བྲགས་ཀྱི་གྲོང་གཅིག་ཀྱང་དབང་བྱར་མ་ནུས་ཏེ། འཐབས་པས་མང་ཞིག་ཤི་བ་དང་། རྒྱལ་པོ་དང་། བློན་པོ་དྲུག་པོ་དེ་དག་ཀྱང་མི་དགའ་བར་གྱུར་ཏོ། །དེ་ནས་རི་བྲགས་ཀྱི་གྲོང་མི་དག་གིས་དེ་སྟེ་སྨན་ཆེན་པོ་འདིར་འོངས་ན་དེའི་ངག་མཉན་ཅིང་དེའི་དབང་བཞིན་དུ་བགྱིས་ཏེ་
D6.011.0069a02.01བདག་ཅག་རྒྱལ་པོ་སྐྱེད་པ་དང་མི་མཐུན་པར་བགྱིད་པ་ནི་མ་ལགས་ཀྱི་བློན་པོ་རྣམས་བདག་ཅག་ལ་གནོད་པར་བགྱིད་པའི་ཕྱིར་རོ་ཞེས་སྨྲས་པ་དང་། དེ་ནས་རྒྱལ་པོས་སྨན་ཆེན་པོ་ལ་ངེད་ཀྱིས་ཡུལ་རྣམས་ཕེབས་པར་མ་ནུས་ཀྱིས་ཁྱོད་ཚུར་ཤོག་ཤིག་ཅེས་ཕོ་ཉ་བཏང་ངོ་། །དེ་ནས་སྨན་ཆེན་
D6.011.0069a03.01པོས་ཡི་གེ་དེ་མཐོང་མ་ཐག་ཏུ་རྒྱལ་པོའི་དྲུང་དུ་འོངས་སོ། །དེ་མཐོང་ནས་ཡུལ་མི་ཀུན་གྱིས་ཕྱག་བྱས་ཏེ་ཡུལ་མི་དེ་རྣམས་ལ་མ་འཇིགས་ཤིག །དཔྱ་ཡང་ཆོས་བཞིན་དབབ། དམན་པ་དང་། དབུལ་བ་དང་། སྐྱབས་མེད་པ་རྣམས་ཀྱང་དབུགས་དབྱུང་བར་བྱས། ཡུལ་ན་གནས་པ་
D6.011.0069a04.01དང་། གྲོང་ཁྱེར་པ་རྣམས་ལ་ཕ་མ་དང་། ཕུ་ནུ་དང་། རང་གི་སྐྱེ་བོ་བཞིན་བཀུར་སྟི་དང་བྱ་{དགའས་,དགས་}ཀུན་སྙོམས་པར་བྱས་ནས་པང་ནས་འཁྱུད་དོ། །དེ་ནས་ཡུལ་ན་གནས་པའི་རྒན་པ་དང་། གཞོན་པ་དང་། བུད་མེད་དེ་དག་ཐམས་ཅད་ཀྱིས་ཀྱང་སྨན་ཆེན་པོ་ལ་བུ་དང་བདག་གི་མིང་པོ་
D6.011.0069a05.01བཞིན་དུ་ལྟ་བར་གྱུར། །དེས་ཀྱང་ཐམས་ཅད་ལ་སེམས་དགའ་བར་བྱས་ཤིང་། དེ་ནས་མཐར་གྱིས་ཡུལ་ཐམས་ཅད་གཅིག་ཏུ་བསྡུས་ཏེ་རྒྱལ་པོ་སྐྱེད་པ་དང་ལྷན་ཅིག་སླར་རྒྱལ་པོའི་ཕོ་བྲང་དུ་འོངས་སོ། །དེ་ལྟ་བུའི་ལས་བྱས་པས་རྒྱལ་པོ་གཞན་དག་ལ་ཡང་སྙན་པའི་སྒྲ་གྲགས་པར་
D6.011.0069a06.01གྱུར་ཏོ། །དེ་ནས་རྒྱལ་པོ་མཉེས་པས་ན་བདག་གི་བུ་མོ་སྨན་ཆེན་པོའི་ཆུང་མར་བྱིན་ཏེ་དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །དེ་ནས་ཡང་ཡུལ་གཞན་ཞིག་ནས་རྒྱལ་པོ་ལོངས་སྤྱོད་ཉམས་པ་ཞིག་རྒྱལ་པོ་སྐྱེད་པའི་དྲུང་དུ་འོངས་ནས་རྒྱལ་པོ་སྐྱེད་པས་ཀྱང་དེ་མ་འདོད་ནས་དེ་སྨན་ཆེན་པོའི་དྲུང་
D6.011.0069a07.01