完整藏文原文 · 德格版页 当前仅加载第 11 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་པ་དང་། གྱད་ཀྱི་སྣ་ཆེན་པོ་ལ་གཏོགས་པ་གཡུང་པོ་ལ་བཅོམ་ལྡན་འདས་ཀྱིས་བཀའ་སྩལ་པ། །གཡུང་པོ་ཁྱོད་དགེ་སྦྱོང་ངམ། བྲམ་ཟེའི་ཆོས་
D6.011.0259a01.01ཀྱི་གཙང་སྦྲ་གང་ལ་དགའ། བཙུན་པ་སྒྱུ་རྩལ་ཤེས་ཀྱི་བུ་རིང་དུ་འཕུར་གྱི་ཆོས་ཀྱི་གཙང་སྦྲ་ལ་དགའོ། །གཡུང་པོ་ཁྱོད་ཅིའི་ཕྱིར་སྒྱུ་རྩལ་ཤེས་ཀྱི་བུ་རིང་དུ་འཕུར་གྱི་ཆོས་ཀྱི་གཙང་སྦྲ་ལ་དགའ། བཙུན་པ་དུས་གཅིག་ཅིག་ན་སྒྱུ་རྩལ་ཤེས་ཀྱི་བུ་རིང་དུ་འཕུར་ལམ་དུ་
D6.011.0259a02.01ཞུགས་པ་ལས་ལམ་ནས་གྱུ་སྟེ། ཤིང་གཞན་ཞིག་གི་དྲུང་དུ་རྟེན་ཅིང་ཉིན་པར་གྱི་སྤྱོད་པས་གནས་ཤིང་མཆིས་པ་དང་། དེ་ནས་ཡང་དེའི་ཚེ་ལམ་དེ་ཉིད་དུ་ཤིང་རྟ་ལྔ་བརྒྱ་ཙམ་གྱི་ཚད་ཅིག་ཀྱང་མཆིས་ནས་རིང་པོ་མ་ལགས་ཏེ། དེ་ནས་མི་གཞན་ཞིག་ཤིང་རྟ་དེའི་ཕྱིར་ལུས་པ་
D6.011.0259a03.01སྒྱུ་རྩལ་ཤེས་ཀྱི་བུ་རིང་དུ་འཕུར་ག་ལ་བ་དེར་སོང་སྟེ་ཕྱིན་ནས་སྒྱུ་རྩལ་ཤེས་ཀྱི་བུ་རིང་དུ་འཕུར་ལ་འདི་སྐད་ཅེས་སྨྲས་སོ། །ཅི་ཤིང་རྟ་ལྔ་བརྒྱ་ཙམ་གྱི་ཚད་ཅིག་སོང་བ་མཐོང་བར་མ་གྱུར་ཏམ། ཀྱེ་སྐྱེས་བུ་མ་མཐོང་ངོ་། །གང་ཤིང་རྟ་ལྔ་བརྒྱ་ཙམ་དོང་བའི་སྒྲ་ཡང་ཐོས་པར་མ་གྱུར་
D6.011.0259a04.01ཏམ། ཀྱེ་སྐྱེས་བུ་མ་ཐོས་སོ། །ཅི་ཉལ་བར་གྱུར་ཏམ། ཀྱེ་སྐྱེས་བུ་ང་ཉལ་བར་ཡང་མ་གྱུར་ཏོ། །ཅི་མི་ཉལ་བའི་འདུ་ཤེས་ཀྱིས་ཤིང་རྟ་ལྔ་བརྒྱ་ཙམ་དོང་བའི་སྒྲ་མ་ཐོས་པར་གྱུར་ཏམ། ཀྱེ་སྐྱེས་བུ་ངས་མི་ཉལ་བའི་འདུ་ཤེས་ཀྱིས་ཤིང་རྟ་ལྔ་བརྒྱ་ཙམ་དོང་བའི་སྒྲ་ཡང་མ་ཐོས་པར་གྱུར་
D6.011.0259a05.01ཏོ། །དེ་ནས་མི་དེ་འདི་སྙམ་དུ་བསམས་ཏེ། ཇི་སྲིད་ཅིག་ནས་རབ་ཏུ་བྱུང་བ་ཞི་བར་གནས་པ་ཞིག །གང་འདི་ལྟར་མི་ཉལ་བའི་འདུ་ཤེས་ཀྱིས་ཤིང་རྟ་ལྔ་བརྒྱ་ཙམ་གྱི་ཚད་དོང་བའི་སྒྲ་ཡང་མ་ཐོས་སོ། །འདི་ལྟར་ཆོས་གོས་ཀྱང་རྡུལ་གྱི་ཕྱེ་མས་ཡོག་པར་ཤེས་ནས་མི་དེ་ངོ་མཚར་སྐྱེས་
D6.011.0259a06.01ནས། སྒྱུ་རྩལ་ཤེས་ཀྱི་བུ་རིང་དུ་འཕུར་ལ་དད་ཅིང་དད་པའི་དབང་དུ་བྱས་སོ། །བཙུན་པ་དེ་ལྟ་བས་ན་བདག་སྒྱུ་རྩལ་ཤེས་ཀྱི་བུ་རིང་དུ་འཕུར་གྱི་གཙང་སྦྲའི་ཆོས་ལ་དགའ་བ་ལགས་སོ། །གཡུང་པོ་ཇི་སྙམ་དུ་སེམས། གང་ཤིང་རྟ་ལྔ་བརྒྱ་ཙམ་གྱི་ཚད་དོང་བའི་སྒྲ་དང་། གང་
D6.011.0259a07.01