完整藏文原文 · 德格版页 当前仅加载第 11 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་འདོར་རོ་ཞེས་སྨྲས་པ་དང་། དོན་ཆུང་ངུའི་དགེ་སློང་མ་དག་འཕྱ་སྤང་སྟེ། ཁ་ངན་དུ་འཛེར་བ་ནི་དགེ་སློང་མས་དགེ་སློང་མ་དག་སླར་ཁྱིམ་དུ་བསྐྲད་པ་ག་ལ་སྲིད་ཅེས་འཛེར་ཏོ། །དེ་ལྟར་གྱུར་པ་དགེ་སློང་མ་དག་གིས་དགེ་སློང་དག་ལ་སྨྲས་སོ། །དགེ་སློང་དག་
D6.011.0136a01.01གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་མས་དགེ་སློང་མ་ཁྱིམ་དུ་འཇུག་པར་མ་བྱེད་ཅིག །འཇུག་པར་བྱེད་ན་ཉེས་པ་སྦོམ་པོར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དགེ་སློང་མ་གཞན་ཞིག་དགེ་
D6.011.0136a02.01སློང་ལ་སྤྱོས་པ་དང་། དགེ་སློང་དེ་སྐྲག་པར་གྱུར་ཏེ། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་ཕ་ལ་སྤྱོ་བར་བྱེད་ན་འདས་པ་དང་བཅས་པར་འགྱུར་རོ། །ཇི་ལྟར་དགེ་སློང་མས་
D6.011.0136a03.01དགེ་སློང་ཕ་ལ་མི་བྱ་བ་བཞིན་དུ་དགེ་སློང་མ་དང་། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་ལ་མི་བྱའོ། །དགེ་སློབ་མས་དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་ལ་མི་བྱའོ། །དགེ་ཚུལ་མས་དགེ་སློང་ཕ་དང་། དགེ་
D6.011.0136a04.01སློང་མ་དང་། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་ལ་ཡང་མི་བྱའོ། །མདོར་ན། །མདུན་དུ་འགྲོ་བར་མི་བྱ་སྟེ། །ལྡང་བར་བྱའོ་དགེ་སློང་མ། །ཞུས་ནས་འདུག་པར་བྱ་བ་དང་། །སྐྱིལ་མོ་ཀྲུང་དང་རྣམ་གྲངས་མེད། །སངས་རྒྱས་བཅོམ་ལྡན་འདས་
D6.011.0136a05.01མཉན་དུ་ཡོད་པ་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ཚེ་དང་ལྡན་པ་འོད་སྲུང་ཆེན་པོ་མཉན་དུ་ཡོད་པའི་སྔོན་གྱི་སྐྱེད་མོས་ཚལ་{རི་དགས་,རི་དྭགས་}སྒྲའི་ཁང་པ་ན་འདུག་གོ། །དེ་ནས་ཚེ་དང་ལྡན་པ་འོད་སྲུང་ཆེན་པོ་སྔ་དྲོ་ཤམ་ཐབས་དང་ཆོས་གོས་གྱོན་
D6.011.0136a06.01ལྷུང་བཟེད་ཁྱེར་ཏེ་མཉན་དུ་ཡོད་པར་བསོད་སྙོམས་ཀྱི་ཕྱིར་ཞུགས་སོ། །དགེ་སློང་མ་སྦོམ་དགའ་མོ་ཡང་སྔ་དྲོ་ཤམ་ཐབས་དང་ཆོས་གོས་གྱོན་ལྷུང་བཟེད་ཁྱེར་ནས་མཉན་དུ་ཡོད་པར་བསོད་སྙོམས་ལ་ཞུགས་པ་དང་། དེས་ཚེ་དང་ལྡན་པ་འོད་སྲུང་ཆེན་པོ་མཐོང་ནས་གླེན་པ་འདི་ལ་མི་
D6.011.0136a07.01