完整藏文原文 · 德格版页 当前仅加载第 11 函德格 207b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོང་བ་དང་། རྒྱལ་མཚན་གྱི་རྩེ་མོ་དང་། སྟོབས་ཀྱི་མཆོག་དང་། དམག་གི་ཚོགས་མང་པོ་ལ་ལྟ་བ་དང་། མང་པོ་འདུས་པ་ལ་ལྟ་བར་འདོད་པ་སྟེ། དགེ་སྦྱོང་གི་ལྟད་མོ་རྣམ་པ་སྣ་ཚོགས་རྩོམ་པ་ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང་དགེ་
D6.011.0207b01.01སྦྱོང་དང་། བྲམ་ཟེ་ཁ་ཅིག་དད་པས་བྱིན་པ་དག་ཡོངས་སུ་སྤྱད་ནས་དེ་སྒྲ་རྣམ་པ་སྣ་ཚོགས་ཉན་པར་རྩོམ་པ་ལ་སྦྱོར་བར་བརྩོན་པ་གནས་པ་འདི་ལྟ་སྟེ། གླང་པོ་ཆེའི་སྒྲ་དང་། རྟའི་སྒྲ་དང་། ཤིང་རྟའི་སྒྲ་དང་། དཔུང་བུ་ཆུང་གི་སྒྲ་དང་། དུང་གི་སྒྲ་དང་། རྔ་པ་ཊ་ཧའི་སྒྲ་དང་། རྔ་བོ་ཆེའི་
D6.011.0207b02.01སྒྲ་དང་། རོལ་མོ་སྣ་ཚོགས་པའི་སྒྲ་དང་། གར་མཁན་གྱི་གླུ་སྒྲ་དང་། རོལ་མོའི་སྒྲ་དང་། ཁར་གསིལ་གྱི་སྒྲ་དང་། སེ་གོལ་གྱི་སྒྲ་དང་། ཐལ་མོའི་སྒྲ་དང་། བུམ་པའི་སྒྲ་དང་། རང་བཟོའི་སྒྲ་དང་། སྙན་ངག་དང་། ཡི་གེ་སྣ་ཚོགས་དང་། ཚིག་སྣ་ཚོགས་དང་། འཇིག་རྟེན་རྒྱང་འཕེན་པ་
D6.011.0207b03.01དང་ལྡན་པའི་གྲགས་པའི་གཏམ་ཉན་འདོད་པ་དག་སྟེ། དགེ་སྦྱོང་རྣམས་ཀྱི་སྒྲ་རྣམ་པ་སྣ་ཚོགས་ཉན་པར་རྩོམ་པ་ལ་སྦྱོར་བ་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང་དགེ་སྦྱོང་དང་། བྲམ་ཟེ་ཁ་ཅིག་དད་པས་བྱིན་པ་དག་ཡོངས་སུ་སྤྱད་ནས། ཨུག་ཤུད་དང་།
D6.011.0207b04.01ཁྲས་དང་། ཆོ་ལོ་རྩོམ་པ་ལ་སྦྱོར་བར་བརྩོན་པས་གནས་པ་འདི་ལྟ་སྟེ། མིག་བརྒྱད་པ་དང་མིག་བཅུ་པ་དང་། ན་ཡའི་མིག་དང་། ཕྱོགས་ཕྱོགས་ནས་འགྱེད་པ་དང་། བུམ་པ་དང་། སྟོབས་དང་། སྐྱོད་པ་དང་། ཕེག་དང་། ཆོ་ལོ་དང་། ཨུག་ཤུད་དང་། གུལ་ཚབ་དང་། ཐུར་མ་དང་།
D6.011.0207b05.01ལག་བརྒྱན་ནམ། ཇི་ལྟར་སྐུགས་བཙུགས་ནས་འགྱེད་པ་སྟེ། དགེ་སྦྱོང་རྣམས་ཀྱིས་ཨུག་ཤུད་དང་། ཁྲས་དང་། ཆོ་ལོ་རྩོམ་པ་ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང་དགེ་སྦྱོང་དང་། བྲམ་ཟེ་ཁ་ཅིག་དད་པས་བྱིན་པ་དག་ཡོངས་སུ་སྤྱད་ནས་གཏམ་
D6.011.0207b06.01རྣམ་པ་སྣ་ཚོགས་རྩོམ་པ་ལ་སྦྱོར་བར་བརྩོན་པར་གནས་པ་འདི་ལྟ་སྟེ། རྒྱལ་པོའི་གཏམ་དང་། ཆོམ་རྐུན་པའི་གཏམ་དང་། དམག་གི་གཏམ་དང་། ཟས་ཀྱི་གཏམ་དང་། སྐོམ་གྱི་གཏམ་དང་། གོས་ཀྱི་གཏམ་དང་། ཚོང་འདུས་ཀྱི་གཏམ་དང་། སྨད་འཚོང་མའི་གཏམ་དང་། ལམ་
D6.011.0207b07.01